ಶ್ರೀ ಸದ್ಗುರು ಮಹಿಮೆ   

   ಅಧ್ಯಾಯ  - 61

    ಗ್ರಂಥ ರಚನೆ - ಚರಣದಾಸ 

ವೆನಿಲಾ ಬೆಳೆದವನ ಹೃದಯಬೇನೆ 

ಸ್ವಾತ್ಮಾ ರಾಮಂ  ನಿಜಾನಂದಂ ।
ಶೋಕ ಮೋಹ ವಿವರ್ಜಿತಂ ।।
ಸ್ಮರಾಮಿ ಮನಸಾ ನಿತ್ಯಂ ।
ವೆಂಕಟಾಚಲ ದೇಶಿಕಂ ।।

ಕಳಸಾಪುರ ಸಮೀಪದ ಹಳ್ಳಿಯೊಂದರ ವಾಸಿಯಾದ ವ್ಯಕ್ತಿಯೋರ್ವರು ಕೋಟಿ ಬೆಲೆಬಾಳುವ ವೆನಿಲಾ ಬೆಳೆದಿದ್ದರು. ಗುರುನಾಥರ ಸಂಪರ್ಕವಿದ್ದ ಅವರಿಗೆ ಇದ್ದಕ್ಕಿದ್ದಂತೆ ಎದೆನೋವಾಗಿ ಪರೀಕ್ಷಿಸಲು ಹೃದಯದಲ್ಲಿ ತೂತಿದ್ದು ಆಪರೇಷನ್ ಅನಿವಾರ್ಯವೆಂದು ವೈದ್ಯರು ಹೇಳಿದ್ದರು. 

ಆ ವ್ಯಕ್ತಿ ಗುರುದರ್ಶನ ಮಾಡಲು ಬರುವಾಗ ಚಿಕ್ಕಮಗಳೂರಿನಲ್ಲೇ ಗುರು ದರ್ಶನವಾಯಿತು. ಸಾಗರ ಸಮೀಪದ ಯತಿವರೇಣ್ಯರ ದರ್ಶನಕ್ಕಾಗಿ ಕಾಯುತ್ತಿದ್ದ ಗುರುನಾಥರು ಮಳೆಯನ್ನೂ ಲೆಕ್ಕಿಸದೇ ರಸ್ತೆಬದಿ ನಿಂತಿದ್ದರು. 

ಗುರುನಾಥರು ಆ ವ್ಯಕ್ತಿಗೆ "ನಿನಗೆ ವೆನಿಲಾದ ಕೋಟಿ ಹಣ ಬೇಕೋ? ಜೀವ ಬೇಕೋ?" ಎನ್ನಲು ಆತ "ಜೀವ" ಎಂದರು. 

ಆಗ ಬಂದ  ಯತಿಗಳಿಗೆ ಆ ವ್ಯಕ್ತಿಯಿಂದ ಪಾದ ಪೂಜೆ ಮಾಡಿ, ಭಿಕ್ಷಾವಂದನೆ ನೀಡುವಂತೆ ಹೇಳಿದರು. ಅವರು ಹಾಗೆಯೇ ಮಾಡಿದರು. 

ನಂತರ ಗುರುನಾಥರು ಆ ವ್ಯಕ್ತಿಗೆ ಇನ್ನೂ ಹೆಚ್ಚಿನ ಪರೀಕ್ಷೆಗಾಗಿ ಬೆಂಗಳೂರಿಗೆ ಹೋಗೆಂದು ತಿಳಿಸಿದರು. 

ಆ ವ್ಯಕ್ತಿ ಬೆಂಗಳೂರಿನಲ್ಲಿ ಭೇಟಿಯಾದ ವೈದ್ಯರ ಹೆಸರು ರಾಮ ಎಂಬ ಅಕ್ಷರದಿಂದ ಆರಂಭವಾಗಿತ್ತು. ಪರೀಕ್ಷೆಗೆ ಹೋದಾಗ ಒಳಗೆ ಹಾಕಿದ್ದ ಹಾಡು ರಾಮನ ಕುರಿತಾಗಿತ್ತು. 

ಹಾಗೆಯೇ ಹಿಂದಿನ ದಿನ ದರ್ಶನವಾಗಿದ್ದ ಸನ್ಯಾಸಿಗಳೂ "ರಾಮ" ಎಂಬ ಹೆಸರಿನ ಮಠದವರಾಗಿದ್ದರು. ಎಲ್ಲಕ್ಕಿಂತ ವಿಶೇಷವಾಗಿ ಆ ವ್ಯಕ್ತಿಯ ಹೃದಯ ತೊಂದರೆಗೆ ಆಪರೇಷನ್ ಬೇಡವೆಂದು ತಿಳಿದು ಬಂತು. ಆ ವ್ಯಕ್ತಿ ಇಂದಿಗೂ ಆರೋಗ್ಯವಂತ ಜೀವನ ನಡೆಸುತ್ತಿದ್ದಾರೆ. 

ಮತ್ತೊಮ್ಮೆ ಬೆಂಗಳೂರಿನಿಂದ ಒಬ್ಬ ಕಟ್ಟಡ ನಿರ್ಮಾಣಕಾರರು ಗುರುನಿವಾಸಕ್ಕೆ ಬಂದಿದ್ದರು. "ತೀರಾ ಇತ್ತೀಚೆಗಷ್ಟೇ ನನ್ನ ಸಹೋದರನು ಅಕಾಲಿಕ ಮೃತ್ಯುವಿಗೆ ಈಡಾಗಿದ್ದು ಆ ನಂತರದಲ್ಲಿ ಮನೆಯ ನೆಮ್ಮದಿ ಹಾಳಾಗಿದೆ. ಏನು ಕಾರಣವೆಂದು ತಿಳಿದು ಬಂದಿಲ್ಲ. ಅದಕ್ಕಾಗಿ ತಮ್ಮಲ್ಲಿಗೆ ಬಂದೆ" ಎಂದು ಆತ ಗುರುನಾಥರಲ್ಲಿ ಬಿನ್ನವಿಸಿಕೊಂಡನು. 

ಆಗ ತುಸು ಯೋಚಿಸಿದ ಗುರುನಾಥರು ಅವರಿಗೆ "ನೀನು ಆ ಮನೆಯನ್ನು ಕೆಲಕಾಲ ಬದಲಿಸೋದು ಒಳ್ಳೆಯದಪ್ಪಾ.. ಕಾರಣ ನಿನ್ನ ಸೋದರಿ ಮರಣಿಸಿದ ಘಳಿಗೆ ಒಳ್ಳೆಯದಿಲ್ಲ. ಅದಕ್ಕಾಗಿ ನಿಮಗೆ ಹಿಂಸೆ ಆಗುತ್ತಿದೆ" ಎಂದರು. 

ಅಲ್ಲಿಂದ ಹಿಂತಿರುಗಿದ ಆತ ಸ್ವಂತ ಮನೆಯನ್ನು ಹೇಗೆ ಬದಲಿಸಲು ಸಾಧ್ಯ? ಎಂದು ಯೋಚಿಸಿ ಗುರುವಾಕ್ಯವನ್ನು ಕಡೆಗಣಿಸಿ ಅಲ್ಲಿಯೇ ವಾಸ ಮುಂದುವರೆಸಿದರು. 

ಆ ಸಂದರ್ಭದಲ್ಲಿ ಆತನ ಪತ್ನಿ ತುಂಬು ಗರ್ಭಿಣಿಯಾಗಿದ್ದರು. ಗುರುವಾಕ್ಯ ಕಡೆಗಣಿಸಿದ ಪರಿಣಾಮ ಹುಟ್ಟಿದ ಮಗು ತೊನ್ನು ಖಾಯಿಲೆ ಹಾಗೂ ಪಾರ್ಶ್ವವಾಯು ಪೀಡಿತವಾಗಿತ್ತು. ಆದಾಗ್ಯೂ ಅವರು ಮನೆ ಬದಲಿಸಲಿಲ್ಲ. ಇದರಿಂದ ಆತ ತೀರಾ ಸಂಕಷ್ಟಕ್ಕೆ ಈಡಾದರು. ಮಾತ್ರವಲ್ಲ ಹದಿನೈದು ವರ್ಷ ರೋಗದಿಂದ ನರಳಿದ ಆ ಮೂಗು ಸತ್ತು ಹೋಯಿತು ಕೂಡ.......,,,,,,, 

ಹೆಚ್ಚಿನ ಮಾಹಿತಿಗಾಗಿ ಗುರು ಬಂಧುಗಳು ಶ್ರೀ ಸದ್ಗುರು ಮಹಿಮೆ ಕನ್ನಡ ಮತ್ತು ಇಂಗ್ಲೀಷ್ ಗ್ರಂಥವನ್ನು ಪರಾಂಬರಿಸುವುದು..... 

।। ಶ್ರೀ ಗುರು ವೆಂಕಟಾಚಲ ಶರಣಂ ಪ್ರಪದ್ಯೇ ।।

For more info visit :  http://srivenkatachalaavadhoota.blogspot.in/