ಗುರುನಾಥ ಗಾನಾಮೃತ 

ಗತಿ ಎನಗೆ ನೀನೇ ಗುರುವೇ ಸಖರಾಯಧೀಶಾ

ರಚನೆ: ಅಂಬಾಸುತ 

ಗತಿ ಎನಗೆ ನೀನೇ ಗುರುವೇ ಸಖರಾಯಧೀಶಾ

ಗತಿ ಎನಗೆ ನೀನೇ ಗುರುವೇ ||ಪ||

ಗತಿಯು ನೀನೇ ಎಂದು ನಂಬಿದೆ

ಮತಿಯ ಪಾಲಿಸ ಬೇಕೋ ಪ್ರಭುವೇ

ಸಚ್ಚಿದಾನಂದಾತ್ಮ ರೂಪಾ ಸಗುಣ ನಿತ್ಯಾ ನಿರ್ಮಲಾತ್ಮಾ ||ಅ.ಪ||

ಅನಾಥ ನಾನಾದೆನೋ

ಆಶ್ರಯದಾತರ ಕಾಣದೇ ಬಳಲಿದೆನೋ

ನಾಥನಾಗೀ ನೀನು ಬಂದೂ

ಪೊರೆಯಬೇಕೋ ಎನ್ನ ಗುರುವೇ

ಧರ್ಮ ಹಾದಿಯ ಹಿಡಿಸಿ ಎನ್ನನ್ನು

ಉದ್ಧರಿಸಬೇಕೋ ಅರಿವೇ ||೧||

ಕಾಣೆನೋ ಅನ್ಯರನೂ ನಾ

ಕೈಪಿಡಿದು ನೆಡೆಸೀ ಕರುಣದೀ ಕಾಯ್ವವರಾ

ನಗುವೋ ಅಳುವೋ ನಿನ್ನ ಸನ್ನಿಧಿ

ಸ್ವರ್ಗವೆಂದಿಗೂ ಎಮಗೆ ಗುರುವೇ

ಅಂಬಾಸುತನಾ ಅನವರತ

ಅಂತರಂಗವಾಸೀ ಶ್ರೀವೇಂಕಟಾಚಲ ||೨||