ಗುರುನಾಥ ಗಾನಾಮೃತ 

ಗುರುವೇ ಬಾರೋ ಎನ್ನರಿವೇ ಬಾರೋ

ರಚನೆ: ಅಂಬಾಸುತ 

ಗುರುವೇ ಬಾರೋ ಎನ್ನರಿವೇ ಬಾರೋ

ಗಣನೆಗೆ ನಿಲುಕದ ಮಹಿಮೆಯ ತೋರಿದ ಪ್ರಭುವೇ ಬಾರೋ ||ಪ||

ತಂದೆ ಬಾರೋ ಆತ್ಮಬಂಧು ಬಾರೋ

ದೇಹ ಭಾವ ದೂರಗೊಳಿಸೋ ಧಣಿಯೇ ಬಾರೋ ||೧||

ದೊರೆಯೇ ಬಾರೋ ಎನ್ನ ಸಿರಿಯೇ ಬಾರೋ

ಭವದಾ ದುಖಃ ಹರಿಸುವಾ ಹಿರಿಯನೇ ಬಾರೋ ||೨||

ಶರಣೆನ್ನುವೆ ಬಾರೋ ಶರಣಾಗತಪಾಲನೆ ಬಾರೋ

ಶಾರದೆ ತನಯಾ ಶಾಂತ ಸ್ವರೂಪಾ ಶಂಕರನೇ ಬಾರೋ ||೩||

ಅಚಲಾ ಬಾರೋ ವೇಂಕಟಾಚಲ ಬಾರೋ

ವಿಚಾರವಾದೀ ಸುಚಾರು ಮೂರ್ತಿ ಸಂತನೇ ಬಾರೋ ||೪||

ಸಖನೇ ಬಾರೋ ಸುಖವಾನೀವನೇ ಬಾರೋ

ಸಖರಾಯಪುರವಾಸೀ ಸದ್ಗುರು ಬಾರೋ ||೫||

ಆಶ್ರಿತವತ್ಸಲ ಬಾರೋ ಸಚ್ಚಿದಾನಂದ ಬಾರೋ

ಅಂಬಾಸುತನಾ ಪೊರೆವಾ ಗುರುವೇ ಬೇಗನೆ ಬಾರೋ ||೬||