ಗುರುನಾಥ ಗಾನಾಮೃತ 

ಗುರುನಾಥನಾ ನೀ ಸ್ಮರಿಸು

ರಚನೆ: ಅಂಬಾಸುತ 

ಗುರುನಾಥನಾ ನೀ ಸ್ಮರಿಸು

ನಿನ್ನ ಮನದೊಳಗೇ ಅವನಾ ನಿಲ್ಲಿಸು

ಕಾಮಕ್ರೋಧಾದಿಗಳಾ ತ್ಯಜಿಸೂ

ಸದ್ಗುಣಗಳನೇ ಸ್ವಾಗತಿಸೂ ||

ನಿನ್ನೊಳಗಿಹುದೆಲ್ಲವ ಅವನಡಿಗೇ ಅರ್ಪಿಸೂ

ಗುರುವಾಕ್ಯವನೇ ಎಂದಿಗೂ ಪಾಲಿಸೂ

ಗುರುಮಾತುಗಳನೇ ಎಂದಿಗೂ ಆಲಿಸೂ

ಸಜ್ಜನರನೆಂದೂ ಆದರಿಸೂ ||

ಪೂರ್ವಕರ್ಮಗಳಾ ನೀ ತೀರಿಸೂ

ಸತ್ಸಂಗವನೆಂದಿಗೂ ಆನಂದಿಸೂ

ದುರ್ಜನರಾ ಸಹವಾಸಾ ತಿರಸ್ಕರಿಸೂ

ಸತ್ಚಿಂತನೆಗಳನೇ ಸ್ವೀಕರಿಸೂ ||

ಸಖರಾಯಪುರವಾಸಾಗೆ ನೀ ನಮಿಸೂ

ಅವನಡಿಯೊಳಗೇ ನೀ ಸದಾ ನೆಲೆಸೂ||