ಗುರುನಾಥ ಗಾನಾಮೃತ 

ಗುರುವೆ ತಾಯಿ ಗುರುವೆ ತಂದೆ ಗುರುವೆ ನಮ್ಮ ದೈವವು

ರಚನೆ: ಶ್ರೀಮತಿ.ಶೈಲಜಾ ಕುಮಾರ್

ಗುರುವೆ ತಾಯಿ ಗುರುವೆ ತಂದೆ ಗುರುವೆ ನಮ್ಮ ದೈವವು

ಗುರುವೆ ಪ್ರೇರಕ ಗುರುವೆ ಯೋಜಕ

ಗುರುವೆ ನಮ್ಮ ಜಗವು ।। ಪ ।।

ಕಣ್ಣಲಿ ವಾತ್ಸಲ್ಯವ ಸೂಸುತಿಹ

ಮನದಲಿ ಸದಾ ಇರುವೆನೆಂದಿಹ

ಮಾತಲಿ ಅಭಯವ ನೀಡುತಿಹ

ಕರದಲಿ ಸತ್ಕಾರ್ಯ ಮಾಡಿಸುತಿಹ ।। ೧ ।।

ಕುಜನರ ಸುಮಾರ್ಗಕೆ ತರುವ

ಸುಜನರಿಗೆ ಗಮ್ಯವ ತೋರುವ

ಬಾಳನು ನಂದನ ಮಾಡುವ

ಜೀವನ ಸಾರ್ಥಕ ಮಾಡುವ ।। ೨ ।।

ಶರಣೆಂಬರ ಕೈ ಹಿಡಿಯುವ

ಮತಿಹೀನರಿಗೆ ‌ಮತಿಯ ಕೊಡುವ

ನಿಸ್ವಾರ್ಥದಿ ಬಾಳಿರಿ ಎನ್ನುವ

ಶಿಷ್ಯರುದ್ಧಾರದಲಿ ಸಂತಸ ಕಾಣುವ ।। ೩ ।।