ಗುರುನಾಥ ಗಾನಾಮೃತ 

ಪಾಂಡುರಂಗ ಪಾಂಡುರಂಗ

ರಚನೆ: ಅಂಬಾಸುತ 

ಪಾಂಡುರಂಗ ಪಾಂಡುರಂಗ

ಕೊಡಿಸೋ ನಿನ್ನ ಸಂತ ಸಂಘ

ಹಿಡಿಸೋ ನಿನ್ನ ನಾಮ ಭಂಗಾ

ಜಪಿಸಿವೆ ನಾ ರಂಗಾ ರಂಗಾ ||

ನಾಮಜಪದಿ ಶುಧ್ಧ ಅಂತರಂಗಾ

ಹರಿವಳೂ ಮನದೊಳಗೆ ಗಂಗಾ

ಆಕರ್ಷಣೀಯವೂ ಬಹಿರಂಗಾ

ನಿನ್ನ ನಾ ಬಿಟ್ಟಿರಲಿ ಹೆಂಗಾ ||

ಮನವಾಗಿದ್ದಿತ್ತು ಮಂಗಾ

ನಿನ್ನ ಸ್ಮರಣದಿ ಅದೀಗ ರಂಗಾ

ಬಯಸಿಹುದೋ ಸತ್ಸಂಗಾ

ನಾಮ ಸ್ಮರಣವೇ ಹಿಂಗಾ ರಂಗಾ ||

ನಿನ್ನ ನಾಮವಿರಲಿ ಮರೆಯದ್ಹಾಂಗಾ

ಅಂಬಾಸುತನ ಕಾಯೋ ರಂಗಾ

ಸದ್ಗುರುನಾಥನು ನಿನ್ನ ರೂಪಿ ರಂಗಾ

ಅವನಡಿಯೊಳೆನ್ನನಿರಿಸೋ ರಂಗಾ ||