ಗುರುನಾಥ ಗಾನಾಮೃತ 

ದಾಸನೆಂದೆನಿಸೀಕೊಳುವಾಸೆ ಎನಗೇ

ರಚನೆ: ಅಂಬಾಸುತ 

ದಾಸನೆಂದೆನಿಸೀಕೊಳುವಾಸೆ ಎನಗೇ

ದಾಸತ್ವವನು ನೀಡೀ ಆಸೆ ಪೂರೈಸೋ ಗುರುವೇ ||ಪ||

ನಿನ್ನ ಪಾದ ಸೇವೆಗೈವೇ

ನಿನ್ನ ಪದ ಜಪ ಮಾಡ್ವೇ

ನಿನ್ನುಚ್ಛಿಷ್ಟ ಉಣುವೇ

ನೀನಿಟ್ಟಂತೆ ಇರುವೇ ||೧||

ನೀನಾಡಿಸಿದರೆ ಆಡ್ವೇ

ನೀ ಕುಣಿಸಿದರೆ ಕುಣಿವೇ

ನೀ ತಾಳ ಹಾಕಲು ಪಾಡ್ವೇ

ನೀ ಪೇಳಿದನ್ನೇ ಬರೆವೇ ||೨||

ನಾನೆಂಬುದಿಲ್ಲೀ ಶೂನ್ಯಾ

ನೀನೆಂಬುದೇ ಮಾನ್ಯಾ

ನೀವರವಿತ್ತರೆ ಧನ್ಯಾ

ಗುರು ನೀನಸಾಮಾನ್ಯಾ ||೩||

ನಿನ್ನಂಗಳಾ ಗುಡಿಸುವೇ

ಚಿತ್ತಾರ ಹೂ  ಬಿಡಿಸುವೇ

ಎಣ್ಣೆ ಮಜ್ಜನಾ ಮಾಡಿಸುವೇ

ಭೂರಿ ಭೋಜನ ಉಣಿಸುವೇ ||೪||

ನಿನ್ನಿಚ್ಛೆಯಂತೇ ನೆಡೆವೇ

ಗುರುನಾಥ ನಿನ್ನನೇ ನೆನೆವಾ

ಈ ಅಂಬಾಸುತಗೇ

ನಿನ್ನ ದಾಸತ್ವವ ನೀಡೋ ||೫||