ಗುರುನಾಥ ಗಾನಾಮೃತ 

ಪರಮಪಾವನ ನಾಮ ಚಿದಂಬರಾ

ರಚನೆ: ಅಂಬಾಸುತ 

ಪರಮಪಾವನ ನಾಮ ಚಿದಂಬರಾ

ನಿನ್ನೊಳಗಿರಲೀ ನಿರಂತರಾ ||ಪ||

ಕುಳಿತೆದ್ದಾಗ ಚಿದಂಬರಾ

ನೆಡೆದು ನಿಂತಾಗಾ ಚಿದಂಬರಾ

ಸ್ನಾನವ ಗೈವಾಗ ಚಿದಂಬರಾ

ಉಟ್ಟು ಉಣುವಾಗ ಚಿದಂಬರಾ ||೧||

ಕನಸಿನ ಒಳಗೂ ಚಿದಂಬರಾ

ನನಸಿನಲೂ ಕೂಡ ಚಿದಂಬರಾ

ಕಂಡವರೆಲ್ಲಾ ಚಿದಂಬರಾ

ಕಾಣದವರು ಸಹ ಚಿದಂಬರಾ ||೨||

ಪುಸ್ತಕದೊಳಗೂ ಚಿದಂಬರಾ

ಮಸ್ತಕದೊಳಗೂ ಚಿದಂಬರಾ

ಮಾಲೆಯೊಳಗೇ ಚಿದಂಬರಾ

ಪ್ರತಿ ಮಾತಿನಲ್ಲೂ ಚಿದಂಬರಾ ||೩||

ಒಳಿತಾಗಲೂ ಚಿದಂಬರಾ

ಕೆಡುಕಿನೊಳಗೂ ಚಿದಂಬರಾ

ತೊಟ್ಟಿಲ ಒಳಗೂ ಚಿದಂಬರಾ

ಚಿತೆಯೇರಿದಾಗಲೂ ಚಿದಂಬರಾ ||೪||

ಸಿಟ್ಟಲೂ ಇರಲೀ ಚಿದಂಬರಾ

ಸುಟ್ಟುಹಾಕುವನದ ಚಿದಂಬರಾ

ನಗುವಿನ ನಗುವೂ ಚಿದಂಬರಾ

ಅಳುವಿನ ಅಳಲೂ ಚಿದಂಬರಾ ||೫||

ಧನಧಾನ್ಯವೆಲ್ಲಾ ಚಿದಂಬರಾ

ನಗನಾಣ್ಯ ಕೂಡಾ ಚಿದಂಬರಾ

ಹೊಲ ಮನೆಯೊಳಗೂ ಚಿದಂಬರಾ

ಬಯಲಿನ ನಡುವಲೂ ಚಿದಂಬರಾ ||೬||

ದೈವಗಳೆಲ್ಲಾ ಚಿದಂಬರಾ

ಸದ್ಗುರು ರೂಪ ಚಿದಂಬರಾ

ಗ್ರಹತಾರೆ ಮಂಡಲ ಚಿದಂಬರಾ

ವಾಯು ವರುಣರೆಲ್ಲ ಚಿದಂಬರಾ ||೭||

ನಿನ್ನ ಚಿತ್ತವಿರಲಿ ಅಂಬರದಂತೆ

ಆಗ ನೀನೇ ಆಗುವೆ ಚಿದಂಬರಾ

ಅಂಬಾಸುತನಾ ಚಿದಂಬರಾ

ಸದ್ಗುರುನಾಥಾ ಚಿದಂಬರಾ ||೮||