ಗುರುನಾಥ ಗಾನಾಮೃತ 

ನೀ ಎನ್ನ ಆತ್ಮಬಂಧೂ ಗುರುವೇ

ರಚನೆ: ಅಂಬಾಸುತ 

ನೀ ಎನ್ನ ಆತ್ಮಬಂಧೂ ಗುರುವೇ

ಕರುಣದೀ ಕಾಯೋ ಹೇ ಕೃಪಾಸಿಂಧೋ ||ಪ||

ಮೂಢತನದಾ ಮರೆವಾ ಅಳಿಸೋ

ಜ್ಞಾನವೆಂಬೋ ದೀವಿಗೆಯಾ ಚಿತ್ತದೊಳು ಬೆಳಗಿಸೋ

ಅನುಭವ ಮಂಟಪಕೆ ಒಯ್ಯೋ ಎನಗೆ

ಮೌನಾದ ಮುತ್ತಿನಾ ಹಾರವ ತೊಡಿಸೋ ||೧||

ಕಾದಾಟ ಮೇಲಾಟ ಎಂದೂ

ಕಟಕಟ ಕಡಿವಾ ಎನ್ನ ಹಲ್ಲನ್ನು ಮುರಿಸೋ

ವ್ಯರ್ಥವಾಗಿಹ ಈ ಜನುಮಕ್ಕೇ

ಅರ್ಥವ ನೀಡೋ ಸ್ವಾರ್ಥವ ಕಳೆಯೋ ||೨||

ಸುಮ್ಮನೇ ಹೋಗಾದು ಮೋಹಾ

ಬಲು ಹೆಮ್ಮಿಗೆ ಅದಕಿದೇ ಅದರಿಂ ಎನಗೇ ದ್ರೋಹಾ

ಅರಿವಿನಾ ಔಷಧಿ ಗುರು ಕೊಡಲೂ

ಮೋಹಾವು ಮಾಯಾ ಕಾಯವೂ ಮಾಯಾ ||೩||

ಸಖರಾಯಪುರವರಾಧೀಶಾ

ಅಂಬಾಸುತನಾ ಅಂತರಂಗದಾ ಸರ್ವೇಶಾ ||೪||