ಗುರುನಾಥ ಗಾನಾಮೃತ 

ಕೂಗಿ ಕರೆಯೆ ಬಾರದಿರನು ನಮ್ಮ ಗುರುವರಾ

ರಚನೆ: ಅಂಬಾಸುತ 

ಕೂಗಿ ಕರೆಯೆ ಬಾರದಿರನು ನಮ್ಮ ಗುರುವರಾ

ಭಾವಶುದ್ಧಿಯಿಂದ ಒಮ್ಮೆ ಓ ಗುರುನಾಥ ಎಂದು ||ಪ||

ಭಕ್ತೋದ್ಧಾರಕೆ ತಾ ಇಳೆಗೆ ಇಳಿದು ಬಂದಿಹನಾ

ಭಾವಿಕ ಮನದೊಳಗೇ ತಾನೆಂದೂ ನೆಲೆಸುವನಾ

ಬೇಧಭಾವವ ಮಾಡದ ಭಗವಂತನಿವನಾ

ಏಕಮುಖಿಯಾಗಿ ಬಂದ ದತ್ತಾತ್ರೇಯನಾ ||೧||

ಸನ್ಮಾರ್ಗ ತೋರುತ ಸದ್ಭಕ್ತರಾ ಸಲಹುವನಾ

ಸದಾಕಾಲ ಸಾಮೀಪ್ಯದ ಸುಖವ ತಾ ನೀಡುವನಾ

ಕಂಬನಿ ಹರಿಸಿದರೇ ಕರಗುವ ಈಶ್ವರನಾ

ಬೇಡಿಸಿಕೊಳ್ಳದೆ ವರಗಳ ನೀಡುವಾ ಅವಧೂತನಾ ||೨||

ದುಷ್ಟರಿಗೆ ಬಹುಕಷ್ಟನಾ ಶಿಷ್ಟರಾ ಪರಿಪಾಲಕನಾ

ಸಖರಾಯಪುರದಾ ಈ ಸಂತನಾ

ಅಂಬಾಸುತನಾ ಅನವರತಾ ಪೋಷಿಪನಾ

ಶ್ರೀವೇಂಕಟಾಚಲ ನಾಮಾಂಕಿತ ಗುರುನಾಥನಾ ||೩||