ಗುರುನಾಥ ಗಾನಾಮೃತ 

ಎಷ್ಟು ಕಾಲ ಕಾಯಬೇಕಯ್ಯಾ 

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಎಷ್ಟು ಕಾಲ ಕಾಯಬೇಕಯ್ಯಾ 

ಗುರುವೆ ನಿನ್ನ ದರ್ಶನಕೆ 

ಅಂತ  ವೇಳೆ ಎಂದು ಬರುವುದಯ್ಯಾ || ಪ ।।

ಅಂಗಳದಿ ಮಲ್ಲೆಜಾಜಿ ಅರಳಿಹುದಯ್ಯಾ 

ಗುರುವೆ 

ನಿನ್ನ ಪಾದಪೂಜೆಗೆ 

ಕಾಯುತಿಹುದಲ್ಲಾ

ಭಕ್ತಿರಸವಿರುವ ಜಲವು ತುಂಬಿಹುದಯ್ಯಾ 

ಗುರುವೆ

ನಿನ್ನ ಪಾದದಭಿಷೇಕಕೆ

ಕಾಯುತಿಹುದಲ್ಲಾ  ।। ೧ ।। 

ಕಂಗಳಲಿ ಆಶಾದೀಪವು ಹೊತ್ತಿಹುದಯ್ಯಾ 

ಗುರುವೆ

ನಿನ್ನ ಕಾಣುವ ಹಂಬಲವಿಹುದಯ್ಯಾ 

ತಂಪಾದ ಸುಳಿಗಾಳಿ ಚಾಮರಪಿಡಿದು 

ಗುರುವೇ

ಕಾಯುತಿಹುದಯ್ಯಾ ।। ೨ ।।

ನಿನ್ನ ದಿವ್ಯವಾಣಿಯ ಕೇಳಲು     

  ಗುರುವೇ

ಮನವು ಕಾದಿದೆಯಯ್ಯಾ

ನಿನ್ನ ದಿವ್ಯವದನವ ಕಾಣಲು

ಗುರುವೇ 

ಭಕ್ತರು ಕಾಯುತಿಹರಯ್ಯಾ ।। ೩ ।।