ಗುರುನಾಥ ಗಾನಾಮೃತ 

ಹಾಕಿದ ಈ ಪ್ರದಕ್ಷಿಣೇ

ರಚನೆ: ಅಂಬಾಸುತ 

ಹಾಕಿದ ಈ ಪ್ರದಕ್ಷಿಣೇ

ಅವಧೂತ ನಿನಗೇ ಅರ್ಪಣೇ

ಬೇಡುವೆ ನೀಡೋ ಕ್ಷಮಾಪಣೇ

ನಾ ಮಾಡಿದೆಲ್ಲ ಅಪರಾಧಕೇ ||ಪ||

ಹೆಜ್ಜೆ ಹೆಜ್ಜೆಗೂ ನಿನ್ನ ನಾಮವಾ ಜಪಿಸುತಾ

ಏಕ ಮನದಲ್ಲಿ ಗುರು ನೀನೇ ಗತಿ ಎನ್ನುತಾ ||೧||

ಚೈತನ್ಯ ನೀನೆನಗೇ ಚಿನುಮಯ ರೂಪನೇ

ಚಿತ್ತದೊಳಗೆ ಬಂದು ಬೇಗ ನೆಲೆಸೋ ಎನುತಾ ||೨||

ಅಂಜಲಿಬದ್ದನಾಗೀ ಭವದಾ ಅಂಜಿಕೆ ತೊರೆದೂ

ಅಚ್ಯುತ ನೀನಗೇ ಅರ್ಚನೆ ಮಾಡುವೆನೆನುತಾ ||೩||

ಇದ್ದೂ ಇಲ್ಲಾದಂತಿರೊ ಪಾಠವ ಕಲಿಸೆನುತಾ

ಮಾತು ಮರೆಸೀ ಮೌನದೊಳಗೆನ್ನ ಇರಿಸೆನುತಾ ||೪||

ಸಖರಾಯಪುರವಾಸಾ ಅಂಬಾಸುತನ ಧಾತಾ

ಅಡಿಗಡಿಗೆ ನಮಿಪೇ ಅತಿಷಯದಿ ಕಾಯೋ ಎನುತಾ ||೫|