ಗುರುನಾಥ ಗಾನಾಮೃತ 

ಎಲ್ಲಿ ನಿಲುವೆ ಎಂದು ಬರುವೆ ಗುರುವೆ ನಮ್ಮ ಮನೆಯಲಿ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಎಲ್ಲಿ ನಿಲುವೆ ಎಂದು ಬರುವೆ ಗುರುವೆ ನಮ್ಮ ಮನೆಯಲಿ

ಎಂತು ನಲಿವೆ ಹೇಗೆ ನುಡಿವೆ ಗುರುವೆ ನಮ್ಮ ಮನದಲಿ || ಪ ।।

ನಿನ್ನ ನೋಡುವ ಕಾತರ

ನೀಗಿಸಿತು ನಮ್ಮೆಲ್ಲಾ ಬೇಸರ‌ ‌

ಹೊತ್ತಿಸಿ ಹೃದಯದಿ ಕಿರುದೀಪ

ಕಾಣುವೆ ಎಲ್ಲೆಲ್ಲೂ  ನಿನ್ನ  ದಿವ್ಯರೂಪ ।। ೧ ।।

ಸ್ವಾತ್ಮಾರಾಮದ ಆ ಬಿಂಬ

ಮೂಡಿದೆ ಮನದಲದರ ಪ್ರತಿಬಿಂಬ

ಕರ್ಮವಶಪ್ರಾಪ್ತಿಯ ಜೀವನ

ನಿನ್ನ ಸ್ಮರಣೆಯಿಂದ ಪಾವನ ।। ೨ ।।

ಜೀವನವೇ ನೀನಿತ್ತ ಭಿಕ್ಷೆ

ಅದುವೇ ನಮ್ಮ ಬಾಳಿಗೆ ಶ್ರೀರಕ್ಷೆ 

ಜನ್ಮಜನ್ಮದ ಅನುಬಂಧ

ತಿಳಿಯದರ ಋಣಾನುಬಂಧ ।। ೩ ।।