ಗುರುನಾಥ ಗಾನಾಮೃತ 

ಶ್ರೀನಿನ್ನ ನಾಮ ಸ್ಮರಿಸುತ

ರಚನೆ: ಅಂಬಾಸುತ 

ಶ್ರೀ ನಿನ್ನ ನಾಮ ಸ್ಮರಿಸುತ

ನಿನ್ನ ಕಾಣೊ ಹಂಬಲದಿಂದಾ

ನಿನ್ನಲ್ಲಿಗೆ ಬಂದಿಹೆವೊ ಗುರುನಾಥಾ

ಪಾದಯಾತ್ರೆಯ ಮಾಡಿಹೆವೊ ಅವಧೂತಾ ||ಪ||

ತನು ಮನದಿ ನಿನ್ನನ್ನೇ

ತುಂಬಿಕೊಳ್ಳೋ ಆಸೆಯಿಂದಾ

ನಿನ್ನಡಿಗೆ ಬಂದಿಹೆವೊ ಗುರುನಾಥಾ

ಪಾದಯಾತ್ರೆಯ ಮಾಡಿಹೆವೊ ಅವಧೂತಾ ||೧||

ಕೃಷ್ಣಯೋಗೀಂದ್ರರ ಕೃಪೆಯಿಂದ

ನಾರಾಯಣ ಯೋಗೀಂದ್ರರ ದರುಶನಗೈದೂ

ನಿನ್ನ ಕಾಣಲು ಬಂದಿಹೆವೊ ಗುರುನಾಥಾ

ಪಾದಯಾತ್ರೆಯ ಮಾಡಿಹೆವೋ ಅವಧೂತಾ ||೨||

ತನುವನ್ನು ದಂಡಿಸಿ

ಮನವಾ ನಿನ್ನಲಿರಿಸಿ

ದಯೆ ಬೇಡಿ ಬಂದಿಹೆವೊ ಗುರುನಾಥಾ

ಪಾದಯಾತ್ರೆಯ ಮಾಡಿಹೆವೊ ಅವಧೂತಾ ||೩||

ಸುಖ ನೀಡೊ ಮಹನೀಯ

ಸದ್ಗುರುನಾಥಾ ನೀನೇ ಎಂದೂ

ಆಶ್ರಯ ಬೇಡಿ ಬಂದಿಹೆವೊ ಗುರುನಾಥಾ

ಪಾದಯಾತ್ರೆಯ ಮಾಡಿಹೆವೊ ಅವಧೂತಾ ||೪||

ಶ್ರೀ ಗುರುನಾಥ ಸದ್ಗುರುನಾಥಾ

ಶ್ರೀವೇಂಕಟಾಚಲ ಅವಧೂತಾ

ಎನ್ನುತ್ತಾ ಬಂದಿಹೆವೊ ಗುರುನಾಥಾ

ಪಾದಯಾತ್ರೆಯ ಮಾಡಿಹೆವೊ ಅವಧೂತಾ ||೫||

ಕಣಕಣದಿ ನಿನ್ನನ್ನೇ

ಕಣ್ತುಂಬಿಕೊಳ್ಳುವಂತೆ

ನಮ್ಮೆಲ್ಲರ ಹರಸೋ ಗುರುನಾಥಾ

ಅಂಬಾಸುತನಾ ಉದ್ದಾರಕ ಗುರುನಾಥಾ

ಪಾದಯಾತ್ರೆಯ ಮಾಡಿಹೆವೊ ಅವಧೂತಾ ||೬||