ಗುರುನಾಥ ಗಾನಾಮೃತ 

ಗತಿ ನೀನೇ ಗುರುನಾಥಾ

ರಚನೆ: ಅಂಬಾಸುತ 

ಗತಿ ನೀನೇ ಗುರುನಾಥಾ

ಸನ್ಮತಿ ಪಾಲಿಸ ಬೇಕೋ ಅವಧೂತಾ ||ಪ||

ಅರಿಯದೆ ಹೋದೇ ನಿನ್ನನು ನಾನು 

ಅರಿವಿನ ದೊರೆಯೇ ಅಪ್ರಮೇಯನೇ ||೧||

ಗಣನೆಗೆ ನಿಲುಕದ ಮಹಿಮೆಯ ತೋರಿದೆ

ಗಾಢಾಂಧಕಾರವ ನೀನು ಕಳೆದೆ  ||೨||

ರಾಮ ಕೃಷ್ಣಾ ಹರನೂ ನೀನೇ

ಬ್ರಹ್ಮಸ್ವರೂಪ ಗುರುದೇವಾ ||೩||

ನಮ್ಮ ಪಾಲಿಗೆ ನೀ ಸರ್ವಸ್ವ 

ನಿನ್ನ ಸಾನಿಧ್ಯವದೇ ಸ್ವರ್ಗ  ||೪||

ಮೋಹ ದಾಹದ ಭ್ರಾಂತಿಯ ಬಿಡಿಸೋ

ನಿನ್ನ ನಾಮದಿ ಎನ್ನ ಮನವಿರಿಸೋ ||೫||

ಸಖರಾಯಪುರವಾಸಾ ಹೇ ಗುರುನಾಥಾ

ಅಂಬಾಸುತ ನಿನ್ನ ದಾಸರ ದಾಸ  ||೬||