ಗುರುನಾಥ ಗಾನಾಮೃತ 

ಜ್ಞಾನಭಾಸ್ಕರ ಬೆಳಗುತಿರುವ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಜ್ಞಾನಭಾಸ್ಕರ ಬೆಳಗುತಿರುವ

ಕರ್ಮಬಂಧನ ಕಳೆಯುತಿರುವ

ನೋಡಲು ಸಖರಾಯಾಧೀಶನ

  ಸಾಲದು ಸಾವಿರ ನಯನ  ||

ಹಚ್ಚಿಟ್ಟ ದೀಪಗಳ ಸಾಲು

ಸರಿಸಿತು ಕಾರಿರುಳ ಕತ್ತಲು

ಮರೆಸಿತು ನಮ್ಮೆಲ್ಲರ ಚಿಂತೆ

ಹರಡಿತು ಎಲ್ಲೆಡೆ  ನಿಶ್ಚಿಂತೆ || ೧ ||

ನಶಿಸಿ ಮನದ ಅಂಧಕಾರ

ಕರಗಿಸಿ ದುಃಖದ ಮಮಕಾರ

ಓಡಿಸಿ ನಾನೆಂಬ ಅಹಂಕಾರ

ಮಾಡಿಸಿ ಸಚ್ಚಾರಿತ್ರ್ಯದ ಅಲಂಕಾರ || ೨ ||

ದೀಪಜ್ಯೋತಿಯ ಬೆಳಕಿನಲಿ 

ನಮ್ಮೆಲ್ಲಾ ಪಾಪಗಳು  ಕರಗಲಿ

ಗುರುವರನ ಅನುಗ್ರಹ ದೊರೆಯಲಿ

ಗುರುಸೇವೆಗಮ್ಮ ಬದುಕೇ ಮೀಸಲಾಗಿರಲೀ...|| ೩ ||