ಗುರುನಾಥ ಗಾನಾಮೃತ 

ಗುರುವರ್ಯಾ ಗುರುವರ್ಯಾ

ರಚನೆ: ಅಂಬಾಸುತ 

ಗುರುವರ್ಯಾ ಗುರುವರ್ಯಾ

ಗುರುವರ್ಯಾ ಗುರುವರ್ಯಾ 

ಭಜಿಸುವೆ ನಿನ್ನನು ಭಜಕ ಜನ ಪಾಲಕಾ

ಆಶ್ರಯದಾತ ಅಮಿತವರದಾತ ||ಪ||

ಕಾಣೆನೋ ಅನ್ಯರಾ ನಿನ್ನ ಹೊರತಿನ್ನು

ಕರ ಪಿಡಿದು ಕಾಯುವವರಾ ಈ ಜಗದೊಳು ||೧||

ಅನಾಥರಕ್ಷಕ ಆಪದ್ಭಾಂಧವಾ

ಈ ಬಿರುದಿಗೆ ದೋಷ ನೀನೆನ್ನ ಪೊರೆಯದಿರೇ ||೨||

ಹುಲ್ಲುಕಡ್ಡಿ ಅಲ್ಲಾಡದು ನೀ ಹೂಂಕರಿಸದೇ

ಎನ್ನ ಪಾಡಿನ್ನೇನೋ ಪಾಮರನು ನಾನೋ ||೩||

ನನ್ನದೆಂಬುದೇನಿಲ್ಲ ನಿನ್ನದಹುದಿಹುದೆಲ್ಲಾ

ಎನ್ನ ಮನ ಶುಚಿಗೊಳಿಸೋ ನೀ ಬಂದು ನೆಲೆಸೋ ||೪||

ಆಸೆಗಳ ದೂರಿರಿಸಿ ಅಲ್ಪತೆಗೆ ಎನ್ನನೊಗ್ಗಿಸೀ

ಎನ್ನನಿರಿಸೋ ಎಚ್ಚರದ ಮನೆಯೊಳಗೇ ||೫||

ಸಖರಾಯಪುರಾಧೀಶಾ ಹೇ ಸದ್ಗುರುನಾಥಾ

ನಿನ್ನ ಪಾದಧೂಳಿನ ಮೇಲೆ ಅಂಬಾಸುತನಾ ಶಿರವನ್ನಿರಿಸೋ ||೬||