ಗುರುನಾಥ ಗಾನಾಮೃತ 

ಗುರುನಾಥ ಜೊತೆಗಿರಲೂ ಅನಾಥ ಭಾವವೇಕಮ್ಮಾ

ರಚನೆ: ಅಂಬಾಸುತ 

ಗುರುನಾಥ ಜೊತೆಗಿರಲೂ ಅನಾಥ ಭಾವವೇಕಮ್ಮಾ

ಸ್ಥಿತಿಗತಿಗೆ ಅವನಿಹನೂ ಸಂತತಾ ಸಲಹುವನೂ ||ಪ||

ಹೆತ್ತವಳ ಮರೆಸುವಾ ಮಮತೆ ತೋರುವನವನೂ

ಕಷ್ಟವೆಂದೂ ಕರೆಯೇ ತಾನೋಡಿ ಬರುವನೂ ||೧||

ಪ್ರೀತಿಯಿಂದ ತುತ್ತನೀವಾ ಮುತ್ತಿನಾ ಮಾತುಗಳ ಪೇಳ್ವಾ

ತಪ್ಪು ಮಾಡೇ ಗದರದೇ ತಿದ್ದಿ ಬುದ್ದಿ ಕಲಿಸುವಾ ||೨||

ಕಣ್ಣಂಚಲೂ ನೀರು ಬರದ ಹಾಗೇ ಕಾಯ್ವಾ

ಧರ್ಮಮಾರ್ಗದೇ ನೆಡೆಸೀ ಎಮ್ಮನುದ್ಧರಿಸುವಾ ||೩||

ಹೊತ್ತು ಮೆರೆಸುವ ನಿನ್ನಾ ಹತ್ತಿರದಿ ತಾನಿರುವಾ

ಪುಣ್ಯದಾ ಹಿರಿಗಂಟಾ ನಿನ್ನ ಹೆಗಲೇರಿಸುವಾ ||೪||

ಸಖರಾಯಪುರದಾ ಅವಧೂತಾ ತಾನೇ

ಅಂಬಾಸುತನ ದೊರೆಯು ಅರಿವಿನಾ ಸಿರಿಯೂ ||೫||