ಗುರುನಾಥ ಗಾನಾಮೃತ 

ದಯೆ ತೋರಿ ಬಾರೋ ಗುರುವೇ

ರಚನೆ: ಅಂಬಾಸುತ 

ದಯೆ ತೋರಿ ಬಾರೋ ಗುರುವೇ

ದೀನನಾಗಿ ಬೇಡಿಹೆ ಪೋರೆಯೋ ಪ್ರಭುವೇ ||ಪ||

ವೈಭವವಾಗೀ ಸ್ವಾಗತಿಸಲರಿಯೇ

ವೇದಘೋಷಗಳಾ ಮಾಡಲರಿಯೇ

ಪೂರ್ಣಕುಂಭವಾಗಲೀ ನನ್ನೀ ತನುವೂ

ಫಲಪುಷ್ಪಗಳೇ ಈ ನನ್ನ ಮನವೂ ||೧||

ಈ ಪದಗಳೇ ತಳಿರು ತೋರಣವೂ

ಎನ್ನೀ ಬರವಣಿಗೆ ನಿನಗೆ ಚಿತ್ತಾರವೂ

ಕಂಬನಿಯಿಂದಲೇ ನಿನ್ನ ಪಾದಪೂಜೆಯೂ

ಕಣ್ಣೋಟಗಳೇ ನಿನಗಾರತಿಯೂ ||೨||

ಎನ್ನ ಹೃದಯವೇ ಸಿಂಹಾಸನಾ

ಸ್ವೀಕರಿಸಿ ಹರಸೊ ಕಂದನಾ

ಸಖರಾಯಪುರವರಾಧೀಶ್ವರಾ

ಅಂಬಾಸುತನ ಅಂತರಂಗದ ಮನೆಗೇ ||೩||