ಗುರುನಾಥ ಗಾನಾಮೃತ 

ಗುರುವು ಎನ್ನಲೇ ನಿನ್ನ ದೈವವೆನ್ನಲೇ

ರಚನೆ: ಅಂಬಾಸುತ 

ಗುರುವು ಎನ್ನಲೇ ನಿನ್ನ ದೈವವೆನ್ನಲೇ

ಎನ್ನ ತಾಯಿ ಎನ್ನಲೇ ಆತ್ಮಬಂಧು ಎನ್ನಲೇ ||ಪ||

ಉಸಿರು ಉಸಿರಲೂ ನೀ ಬೆರೆತು ನಿಂತಿಹೇ

ಎನ್ನ ಬಾಳಹಸಿರಿಗೇ ನಿನ್ನ ಹೆಸರನಿರಿಸಿಹೇ

ಅರಿವಿನ ಮನೆಯೊಳಗಿರಿಸಿಹೆ ಆನಂದವ ತುಂಬಿಹೇ

ಅಲ್ಪತೆಯಾ ಕಳೆವ ಹೇ ಘನ್ನಮಹಿಮನೇ ನಿನ್ನಾ ||೧||

ಅನ್ನ ನೀರು ನೀಡುತಿಹಾ ಪ್ರಾಣಕಾರಣಾ ಪ್ರಭುವೇ

ಮೋಹದಾಹ ಕಳೆಯುತಿಹಾ ಓ ಮಹಾನೀಯನೇ

ಮಮತೆಯ ಮಡಿಲಾಗಿಹೆ ಮಾನಾಪಮಾನ ಮರೆಸಿಹೇ

ದೋಷಕಾಣದಂತ ಕಂಗಳ ನೀಡುವ ದೊರೆಯೆ ನಿನ್ನಾ ||೨||

ಸಖರಾಯಪುರದೊಳೂ ವಾಸವಾಗಿಹಾ ಗುರುವೇ

ಶ್ರೀವೇಂಕಟಾಚಲ ನಾಮಾಂಕಿತನೇ

ಅಂಬಾಸುತಗೇ ಜಗದಂಬೆಯೊಳೂ ಕಂಡವನೇ

ಅವಧೂತನಾಗೀ ಅಜ್ಞಾನ ಕಳೆವ ಶಿವನೆ ನಿನ್ನಾ ||೩||