ಗುರುನಾಥ ಗಾನಾಮೃತ 

ಮೌನದಲಿ ಬೇಡುವೆ ನನ್ನ ಗುರುವೇ ಎನ್ನ ಮೊರೆಯ ಆಲಿಸೋ ದೊರೆಯೇ

ರಚನೆ: ಆನಂದರಾಮ್, ಶೃಂಗೇರಿ  

ಮೌನದಲಿ ಬೇಡುವೆ ನನ್ನ ಗುರುವೇ ಎನ್ನ ಮೊರೆಯ ಆಲಿಸೋ ದೊರೆಯೇ

ಎಷ್ಟು ಬೇಡಿದರೂ ಸಾಲದು ಕೊನೆ ಇಲ್ಲದ  ಇಷ್ಟಗಳು ನೆರವೇರಲು|

ಮನವ ತಹಬಂದಿಗೆ ತರಲಾರೆನೋ ಎನ್ನ ಮನ್ನಿಸೋ ನನ್ನ ಒಡೆಯ

ಧೂರ್ತ ಯೋಚನೆಯ ಸುಳಿಯ ಮಧ್ಯೆ  ಸಿಲುಕಿ ಮನ ನರಳುತಿದೆ ನೀ ನೋಡೆಯಾ|

ಕರುಬು ತನದ ಬಾದೆಯದು ಉದರ  ಶೂಲೆಯ ತಂದಿಹುದಯ್ಯ

ಕನಿಕರಿಸಿ ಮಲಿನ ಮನವ ಶುದ್ದಗೊಳಿಸಿ ಮನ ನಿನ್ನಲಿ ನಿಲ್ಲಿಸಯ್ಯ|

ಆವರಿಸಿಕೊಂಡಿರುವ ಭ್ರಮೆಯ ಅಳಿಸೋ ಎನ್ನ ಉದ್ದರಿಸೋ

ನಿಜವ ಅರಿಯಲು ಮನಸ ಹದಮಾಡಿ ಸರಿ ದಾರಿಯಾ ತೋರಿಸೋ|

ಬಯಸುವುದೆಲ್ಲಾ ನಿಜವಲ್ಲ ಎಂಬುದ ತಿಳಿಯುವ ಮನ ಕೊಡೋ ಗುರುವೇ

ನೀನಿದ್ದ ಮೇಲೆ ನಿನ್ನದೆಂದು ಅರಿತು ಬಾಳುವ ಅರಿವು ಮೂಡಿಸಯ್ಯಾ ದೊರೆಯೇ|