ದತ್ತದೇವ ಶರಣಂ ಗುರು ದತ್ತದೇವ ಶರಣಂ - ರಚನೆ : ಶ್ರೀಮತಿ. ಶೈಲಜಾ ಕುಮಾರ್, ಮೈಸೂರು

ದತ್ತದೇವ ಶರಣಂ 

ಗುರು ದತ್ತದೇವ ಶರಣಂ

ಪ್ರಭು ದತ್ತದೇವ ಶರಣಂ l

ಅತ್ರಿತಪೋವರದಾತ

ಅನುಸೂಯ ಸುಖದಾತ l

ಅಗಣಿತವರದಾತ

ದತ್ತ ಪ್ರಭೋ ವಿಶ್ವವಿಧಾತ ll ೧ ll

ವಿಭೂತಿಭೂಷಿತ ಗಾತ್ರ

ಮನೋಹರಸ್ಮಿತ ನೇತ್ರ l

ಸಕಲಕಲಾಗಮ ಸೂತ್ರ

ದತ್ತ ತವ ದಿವ್ಯಮಂತ್ರ ll ೨ ll

ದಂಡಕಮಂಡಲುಧಾರಿ

ಭಕ್ತಮಾನಸಸಂಚಾರಿ

ಅಮಿತಲೀಲಾವಿಹಾರಿ

ದತ್ತ ಪ್ರಭೋ ಮನೋಹಾರಿ ll ೩ ll

!! ಸರ್ವದಾ ಸದ್ಗುರುನಾಥೋ ವಿಜಯತೇ !!

೨೭-೨-೨೦೨೦

ಮನತುಂಬಿ ಹಾಡಿದಂತೆ ನಟಿಸುತ - ರಚನೆ :ಶ್ರೀ. ಆನಂದ ರಾಮ್, ಶೃಂಗೇರಿ

ಮನತುಂಬಿ ಹಾಡಿದಂತೆ ನಟಿಸುತ ಮಲಿನ ಭಾವದಿ ನಿನ್ನ ಬೇಡಿ ಫಲವುಂಟೇನು

ಓಡುತಿಹ ಆಸೆಗಳ ಬೆನ್ನತ್ತಿ ಭಜಿಸಿ ಕರುಣಿಸೆಂದರೆ  ಗುರು ಒಪ್ಪುವನೇನು|

ಯಾರೂ ತೋರದ ಭಕುತಿ ನಾ ತೋರುವನೆಂಬ ಆತುರದಿ  ಮುಗ್ಗರಿಸಿ ಬಿದ್ದೆನೇನೋ

ಮರುಳ ಮಾತಿನ ಪದವನು ಜೋಡಿಸುತ  ಶುದ್ಧ ಬಕುತಿಗೆ ವಂಚಿಸಿ ಸೋತು ಹೋದೆನೇನೋ|

ನೀ ಕರುಣಿಸೆಂದು ಬೇಡುತ ಮನಸಿನ ದುರಾಸೆ ಮರೆಮಾಚದೆ ನೀ ಹರುಸುವಿಯೇನು

ಅನ್ಯರ ಹಿತ ಕಾಯದೆ ಸ್ವಾರ್ಥದಲಿ ಬದುಕು ನಡೆಸಿರೆ ನೀ ನನ್ನ ಒಪ್ಪುವಿಯೇನು|

ನೀ ನುಡಿವಂತೆ ನಿನ್ನ ಕರುಣೆಗಾಗಿ ಹಂಬಲಿಸುವ ಬಕುತರ ಕೂಗಿನ ಮುಂದೆ ನಾನಿಲ್ಲವೇನೋ

ಬರೀ ತೋರಿಕೆಯ ಅರಿಕೆಗೆ ನೀ ಒಲಿಯಲಾರೆಂಬ ಅರಿವು  ನನ್ನ ಮನ ಅರಿಯದಾಯಿತೇನೊ|

ಎನ್ನ ಬದುಕನು ಬದಲಿಸಿ ನಿನ್ನಲೇ ನೆಲೆಯಿರಿಸಿ ನೀ ಕಾಯಬಾರದೇನೋ

ಇನ್ನೆಷ್ಟು ಬೇಡಲಿ  ಗುರುವೇ  ದಾರಿ ತೋರಿ ಪಾಮರನ ಹರಸಬಾರದೇನೋ|

ದೂರ ತಳ್ಳಬೇಡಿ ಎನ್ನ ಗುರುವೇ - ರಚನೆ :ಶ್ರೀ. ಆನಂದ ರಾಮ್, ಶೃಂಗೇರಿ

ದೂರ ತಳ್ಳಬೇಡಿ ಎನ್ನ ಗುರುವೇ ನಿಮ್ಮ ಸೇವೆಗೈವ ಭಾಗ್ಯದಿಂದ

ಮುನಿಸು ತೋರಬೇಡಿ ಪ್ರಭುವೇ ನಾನು ನಿಮ್ಮ ಭಜಿಪ ರೀತಿಯಿಂದ|

ತರವಲ್ಲದ  ಬದುಕು ನಡೆಸಿ ಮುಖವಾಡ ಹೊತ್ತು ನಿನ್ನ  ಬೇಡುವುದೆಂತು

ನುಡಿವ ಮಾತುಗಳಲಿ ಶುದ್ಧಭಾವ ಇಲ್ಲದಿರಲು ಗುರು ನೀಡುವುದೇನುಂಟು|

ಅಳುಕು ಮನವ ಹೊತ್ತು ತಳಕು ಭಾವ ತೋರಿ ನಿನ್ನ ವಂಚಿಸುವುದೆಂತು

ಹೃದಯದಲಿ ಮಲಿನ ಆಸೆ ತುಂಬಿ ಬಕುತನ ವೇಷಧರಿಸಿ ನಿನ್ನ ಬೇಡುವುದೆಂತು|

ಹೆತ್ತ ತಂದೆತಾಯಿಗಳ ಸೇವೆಗೈಯಲಿಲ್ಲ ಮುನಿಸು ತೋರದೆ ಹೇಗೆ ಹರಸಬಲ್ಲ

ನಾನೇ ದುಡಿವನೆಂಬ ಹುಂಬಿನಲಿ ಗುರುವೇ ನಿನ್ನ ಮಾತು ಮರೆತನಲ್ಲ|

ನಿನ್ನ ನೆನೆವ ಮನವ ನೀಡಿ ಅನ್ಯರ ಸೊತ್ತಿನಾಸೆ ನೀಡಬೇಡ ಗುರುವೇ

ನಿನ್ನ ಸೇವೆಯ ಭಾಗ್ಯವ  ನೀಡಿ  ನೀ ನಡೆದ ದಾರಿಯ ದೂಳು ಮಾಡಿ ಹರಸೋ ದೊರೆಯೇ|

ಕರುಣಿಸ ಬಾರದೇ ಗುರುವೇ - ರಚನೆ :ಶ್ರೀ. ಆನಂದ ರಾಮ್, ಶೃಂಗೇರಿ

ಕರುಣಿಸ ಬಾರದೇ ಗುರುವೇ ಎನ್ನನು ಇನ್ನೆಷ್ಟು ತಡ ಮಾಡುವೆ ಪ್ರಭುವೇ 

ನಿನ್ನ ಬೇಡುವ ಮನವೇತಕೆ ನೀಡಿದೆ ಎನಗೆ ಇದು ನಿನ್ನ ಲೀಲೆಯ ಪರಿಯಲ್ಲವೇ|

ಓಡುವ ಮನದ  ಅರ್ಥವಿಲ್ಲದ ದುರಾಸೆಯ ಸೆಳೆತವ  ತಾಳದಾದೆನೋ

ಅರಿವಿದ್ದರೂ ಎಡವುತಿಹ  ಈ ನನ್ನ ಮನದ ಹುಂಬ ತನಕೆ ಸೋತುಹೋದೆನೋ|

ಕರ್ಮ ಕಳೆಯದೇ ಎನ್ನ ಮನ ಶುದ್ಧಿಯಾಗದೆ ನಿನ್ನ  ಕರುಣೆ ದೊರೆಯದೇನೊ

ಕಪಟ ಭಾವಗಳ ಸಂಗಮದಿ ಬದುಕು ಬಸವಳಿದು ಸೋತಿತೇನೋ|

ಓಡುವ ಬದುಕಿನ ದಾರಿಯಲಿ ಬರೀ ಪೊಳ್ಳು ಮಾತುಗಳ ದ್ವನಿ ಕೇಳಿದೆಯೋ

ಗುರಿ ತಲುಪಿಸುವ ಮುನ್ನ ನೀ ಮೆಚ್ಚುವ ಬದುಕು ನಡೆಸುವ ಬಗೆ ತಿಳಿಸೋ ದೊರೆಯೇ|

ನೇಮನಿಷ್ಠೆಗಳ ಅರಿವೆನಗಿಲ್ಲ ನಿನ್ನ ಸೇವಿಸುವುದರ ಬಿಟ್ಟು ಬೇರೇನೂ ಬೇಕಿಲ್ಲಾ

ನೀ ಕರುಣಿಸುವ ಬಕುತರ ನಡುವೆ ಈ ಪಾಮರನೂ ಒಬ್ಬನಾಗಿರಲಿ ಗುರುದೇವ|

.

ನಿನ್ನ ಕಾಣಲು ಓಡೋಡಿ ಬಂದೆನೋ ಗುರುವೇ - ರಚನೆ :ಶ್ರೀ. ಆನಂದ ರಾಮ್, ಶೃಂಗೇರಿ

ನಿನ್ನ ಕಾಣಲು ಓಡೋಡಿ ಬಂದೆನೋ ಗುರುವೇ ಕದವೇಕೆ ತೆರೆಯಲಿಲ್ಲ

ಮನದ ತುಂಬಾ ಬಯಕೆಯೇ ತುಂಬಿ ನಿನ್ನ ಕಾಣಲು ಒಳಗಣ್ಣ ತೆರೆಯಲಿಲ್ಲ|

ಅದೇಕೋ ಮಾತು ಅತಿಯಾಗಿ ಮೌನಬಿನ್ನಹ ಮರೆಯಾಗಿ ಸೋತೆನೋ

ಮರೆಯಲಿ ನಿಲ್ಲಲಾರದೆ ತೋರಿಕೆಯ ಹಂಬಲ ಹೆಚ್ಚಾಗಿ ನಿನ್ನಿಂದ ದೂರಾದೆನೋ|

ಆರು ಅರಿಗಳ ಸಂಗವ ಬಿಡದೆ ಮೂರ್ಖನಾಗಿ ವ್ಯರ್ಥವಾಗಿ ನಿನ್ನ ಕೂಗಿಹೆನೋ

ಅಸೂಯೆ ಅಹಂಕಾರಗಳ ಒಡನಾಟದ ಫಲವಾಗಿ ನಿನ್ನ ಪಡೆಯದಾದೆನೋ|

ಹೊನ್ನು ಮಣ್ಣಿನ ಸಂಗ ಮಿತಿ ಮೀರದೆ ಬದುಕು ಮಿತವಾಗಿ ನಡೆಸೆಂದೆ ನೀನು 

ಇಡೀ ಬದುಕೇ ಅದೆಂಬ ಭ್ರಮೆಯ ಬಲೆಯೊಳು ಸಿಲುಕಿ ಬಲು ಮೂಡನಾದೆನೋ|

ನಿನ್ನ ಸೇರುವ ಪರಿ ನಿನ್ನ ಅರಿಯುವ ಪರಿ ಎನ್ನ ಮನಕೆ ತಿಳಿಯದಾಗಿದೆ ಗುರುವೇ

ಇನ್ನು ತಡಮಾಡದೆ ಒಮ್ಮೆಯಾದರೂ ದರುಶನ ನೀಡಿ ಹರಸೋ ಪ್ರಭುವೇ|

ಮೌನದಲಿ ಮಾತು ಭಾವಗಳೆಲ್ಲ ಲೀನವಾಗೋ - ರಚನೆ :ಶ್ರೀ ಆನಂದ ರಾಮ್, ಶೃಂಗೇರಿ

ಮೌನದಲಿ ಮಾತು ಭಾವಗಳೆಲ್ಲ ಲೀನವಾಗೋ ನಿನ್ನ ಮಾತ ನಿಜ ಮಾಡೋ ಗುರುವೇ

ಅರಿವಿಲ್ಲದೇ ನಾನು ನನ್ನ ಮರೆತು ನಿನ್ನ ಸೇರಿದ ಅನುಭವ ನೀಡೋ ದೊರೆಯೇ|

ನಾನೆಂಬ ಬಾವದೊಳು ಮನ ಕಳೆದಿಹುದು ಇದು ಮಿಥ್ಯವೆಂಬ ಅರಿವ ನೀಡೋ ಪ್ರಭುವೇ

ಮಾತಿಲ್ಲದೆ ಮೌನವಾಗಿ ನಿನಗೆ ಶರಣಾಗುವೆ ಶುದ್ಧ ಭಾವವ ಕರುಣಿಸೋ  ದೊರೆಯೇ|

ಅಂತರಾಳದಲಿ ಮೂಡಿಹ ಭಾವ ಕಣ್ಣ ಹನಿಯಾಗಿ ಹರಿದು ನಿನ್ನಲೇ ಸೇರಲಿ

ಭಾವವು ಬರೀ ಮಾತಾಗದೆ ಮೌನದಲಿ ಶರಣಾಗಿ ಸದಾ ನಿನ್ನಲೇ ಲೀನವಾಗಿರಲಿ|

ಮೌನದಲಿ ನಿನ್ನ ಸ್ಮರಿಸುವ ಮನವಿತ್ತು ಎನಗೆ ಮಾತುಗಳ ಸಂಗ ಬೇಡ ಗುರುವೇ

ಹೃದಯದಲಿ ನಿನ್ನ ಕೂರಿಸಿ ಮೌನದಲಿ ಮೆರವಣಿಗೆ ಮಾಡಿ ನಿನ್ನನೇ ಭಜಿಸುವೆ|

ತೋರಿಕೆಯ ಬಕುತಿಮಾಡದೆ ಶುದ್ಧ ಮನದಲಿ ನಿನ್ನ ಬೇಡುತಲಿ ಮೌನದಲಿ ಸ್ತುತಿಸುವೆ

ಶಬ್ದ ಬ್ರಹ್ಮನ ಅರಿವು ನೀಡಿ ಅಲ್ಲ ಸಲ್ಲದ ಪದಗಳ ನುಡಿಸದೆ ಕಾಯೆಂದು ಮೌನದಲಿ ಬೇಡುವೆ|

ಇಷ್ಟ ಪಟ್ಟು ನಿನ್ನ ಬೇಡುವುದೋ ಯಾವ ಪರಿಯಲಿ ಬಜಿಸುವುದೋ - ರಚನೆ :ಶ್ರೀ. ಆನಂದ ರಾಮ್, ಶೃಂಗೇರಿ

ಇಷ್ಟ ಪಟ್ಟು ನಿನ್ನ ಬೇಡುವುದೋ ಯಾವ ಪರಿಯಲಿ ಬಜಿಸುವುದೋ ನಾನರಿಯೆ ಗುರುವೇ

ಎಲ್ಲರನು ಸಲಹುವ ಮಹಾದೇವ ನೀನು ನನ್ನ ಕಡೆಗಾಣಿಸದೆ ಹರಸೋ ದೊರೆಯೇ|

ಬೇಡದಲೇ ಬಂದು ಬಕುತರನು ಹರಸುವಿಯಂತೆ ನನ್ನ ಕೂಗು ಕೇಳಲಿಲ್ಲವೇ

ಬೆನ್ನ ಹಿಂದೆ ನಿಂತು ಕಷ್ಟಗಳ ದೂರ ಮಾಡುವ ನಿನಗೆ ಎನ್ನ ಮನವಿ ಬೇಡವೇ|

ನಿನ್ನ ನುಡಿಯಂತೆ ನಡೆಯಲಾರದೆ ನಿನ್ನ ಮನವ ಗೆಲ್ಲಲಾರದೆ ಹೋದೆನೋ

ಮನದ ಕಪಟ ಭಾವ ಮರೆಯಾಗದೆ ಕಣ್ಣೀರಿಟ್ಟು ಬೇಡಿದೊಡೆ ನೀ ಎಲ್ಲಿ ಒಲಿಯುವೆಯೋ|

ಯಾಕೆ ಬೇಡುವೆನೆಂದು ಅರಿಯದೆ ಸುಮ್ಮನೆ ನಿನ್ನ ಬೇಡುತಿಹೆನು ಇದು ತೋರಿಕೆಯಲ್ಲವೇ

ಎನ್ನ ಮನ್ನಿಸಿ ನಿನ್ನ ಪದತಳದಿ ಈ ಪಾಮರನ ಶಿರವಿರಿಸಿ ಬೇಡುವೆನೋ ಕರುಣಿಸೋ|

ಎಷ್ಟೆಂದು ಬೇಡುವುದು - ರಚನೆ :ಶ್ರೀ. ಆನಂದ ರಾಮ್, ಶೃಂಗೇರಿ

ಎಷ್ಟೆಂದು ಬೇಡುವುದು ಎಷ್ಟೆಂದು ಕಾಡುವುದು ನಾ ನಿನ್ನ ಗುರುವೇ

ಎಷ್ಟು ಬೇಡಿದರೂ ಮುಗಿಯದು ನನ್ನ ಬದುಕ ಬವಣೆಯು ಓ ನನ್ನ ಪ್ರಭುವೇ|

ಮೂರು ಹೊತ್ತಿನ ಕೂಳು ನೀಡಿ ನೀ ಸಲಹಿದರೂ ಇನ್ನೂ ಬೇಕೆಂಬ ಹಂಬಲವು

ಅನ್ಯರಿಗೆ ಅನ್ಯಾಯ ಮಾಡಿಯಾದರೂ ಬದುಕು ನಡೆಸುವ ಅಲ್ಪ ಮನದ ದುರಾಸೆಯು|

ಮಕ್ಕಳಿಲ್ಲದವರ ಬವಣೆ ಕಂಡರೂ ಇರುವ ಮಕ್ಕಳನು ಪೊರೆವುದು ಅರಿತಿಲ್ಲವೋ

ಅಂತ್ಯವಿಲ್ಲದ ಆಸೆಹೊತ್ತು ಈ ನಿಮಿಷದ ಸುಖವ ಕಳೆದುಕೊಂಡು ಮೂಡನಾದೆನೋ|

ಮೂರು ಮುಷ್ಟಿಯ ಕೂಳು ಒಂದು ಗೇಣಿನಾ ಹೊಟ್ಟೆಗೆ ಸಾಕಲ್ಲವೇ ಗುರುವೇ

ಕೂಡಿಟ್ಟು ಕೂಡಿಟ್ಟು ಅನ್ಯರ ಹಸಿವೆ ಇಂಗಿಸದೆ ನಡೆಸುವ ಬದುಕು ಬೇಕೇ ದೊರೆಯೇ|

ಅರ್ಥವಿರದ ಬದುಕು ನಡೆಸಿ ಮಣ್ಣು ಸೇರುವ ಮುನ್ನ ನಿನ್ನ ಇರುವು ತೋರೋ ಗುರುವೇ

ಅಷ್ಟಿಸ್ಟಾದರೂ ಜಗಕೆ ಒಳಿತು ಮಾಡುವ ಮನವ ನೀಡಿ ಹರಸೋ ಪ್ರಭುವೇ|