ಸಕಲಗ್ರಹಬಲ ನೀನೇ ಸಖರಾಯಾಧೀಶ - ಶ್ರೀಮತಿ. ಶೈಲಜಾ ಕುಮಾರ್, ಮೈಸೂರು

ಸಕಲಗ್ರಹಬಲ ನೀನೇ ಸಖರಾಯಾಧೀಶ

ನಿನ್ನ ನಂಬಿದವಗೆ ಕಷ್ಟವೆಲ್ಲಿದೆ ಅಮೃತಪುರೀಶ !

ದುರಿತವ ಸುಡುವ ಸೂರ್ಯನು ನೀನು

ಮಂಗಳವ ತರುವ ಮಂಗಳವೂ ನೀನು !

ಬುದ್ಧಿಯನು ಪ್ರಚೋದಿಪ ಬುಧನೇ ನೀನು

ಮನದಲಿ ಚೈತನ್ಯ ನೀಡುವ ಗುರುವೇ ನೀನು !! ೧!!

ಮನೋಮಯದಲಿ ಹೊಳೆವ ಶುಕ್ರನೇ ನೀನು 

ಕರ್ಮಗಳ ಕಳೆಯುವ ಶನಿಗ್ರಹವೂ ನೀನೇ !

ದೀನನಿಗುಣಿಸಿಹ ಶಶಿಯ ಕಿರಣವೂ ನೀನು

ಮನದ ಛಾಯೆಯ ಶುದ್ಧಿಗೈವ ರಾಹುಕೇತುವೂ ನೀನು !! ೨ !!

ಚಿತ್ತಾಕಾಶದಿ ಮಿನುಗುವ ತಾರೆಯೂ ನೀನು 

ಹೃನ್ಮಂದಿರದಿ ಬೆಳಗುವ ಅರುಣನೂ ನೀನೇ !

ಎಮ್ಮ ಜೀವನ ಬೆಳಗುವ ತೇಜೋರಾಶಿಯೂ ನೀನು 

ಗ್ರಹರಾಶಿಯನು ಆಳ್ವ ಪರಂಜ್ಯೋತಿಯೇ ನೀನು !! ೩ !!

!! ಸರ್ವದಾ ಸದ್ಗುರುನಾಥೋ ವಿಜಯತೇ !!

೯-೩-೨೦೨೦