ಗುರುನಾಥ ಒಲಿದರೆಂದರೆ ಯಾತರ ಭಯವೋ ಇನ್ಯಾತರ ಭಯವೋ
ಸದ್ಗುರು ಹರಸಿದೆನೆಂದರೆ ಬದುಕೆಲ್ಲಾ ಸುಂದರವೋ ಬಲು ಸುಂದರವೋ|
ಬೇಡುವ ಬಕುತನ ಮನವನು ಅರಿತು ದುರಿತಗಳ ದೂರ ಮಾಡುವ ಗುರುನಾಥ
ಮನದಲೇ ನೆನೆದು ಬಕುತಿಯ ತೋರಿರೆ ದಾರಿಯ ತೋರುವ ಗುರುನಾಥ|
ಸಂತನ ಸನಿಹದಿ ಮಧುರ ನುಡಿಗಳ ಅಲಿಸೆ ದೊರೆವುದು ಮನಕೆ ನೆಮ್ಮದಿಯು
ಬಿರುನುಡಿಯನಾಡದೆ ಸಲಹುವ ತಂದೆಯು ಸಕರಾಯಪುರದ ನಮ್ಮ ಗುರುವು|
ತುಪ್ಪದ ದೀಪಕೆ ತಾ ಒಲಿದು ಬಕುತನ ಕರುಣಿಸೆ ಹರಸುವ ಸಖರಾಯದೀಶನೋ
ಆತಂಕವ ದೂರಮಾಡುತ ಮನದ ಭಯವ ನಾಶಮಾಡುವ ಮಹಾದೇವನೋ|
ಮನದ ಭಾವಗಳ ಮಲಿನ ತೊಳೆಯುತ ಶುದ್ಧ ಅಂತಃಕರಣ ಕರುಣಿಸುವ ಗುರುದೇವ
ಬೃಂದಾವನ ಸನಿಹ ನಿಜ ಬಕುತಿಯ ತೋರಲು ಹರಸುವ ಸಖರಾಯಪುರದ ಮಹಾದೇವ|
Sakaraayapurada venkatachala avadootarige paadagalige nanna bhakti poorvaka namanagalu. Yellaranu ee kantaka dinda mukthi kodi haagu rakshe sadaa kodi. Sarve jano sukinobavantu.
ReplyDelete