ಎಲ್ಲಿ ನೋಡಲಿ ಗುರುವೇ - ರಚನೆ :ಶ್ರೀ. ಆನಂದ ರಾಮ್, ಶೃಂಗೇರಿ

ಎಲ್ಲಿ ನೋಡಲಿ ಗುರುವೇ ಸದಾ ನಿನ್ನ ಇರುವನ್ನೇ ಕಾಣುತಿಹೆನು

ಏನಾದರೂ ಕೇಳುತಿಹನೆಂದರೆ ಪ್ರಭುವೇ ಅದು ನಿನ್ನ ನಾಮವ ಹೊರತು ಬೇರೇನನು |

ಕಣ್ಣು ಮುಚ್ಚಿದೊಡೆ ನಿನ್ನ ಬೃಂದಾವನದ ಸುಂದರ ಪರಿಸರವು ಎನ್ನ ಸೆಳೆವುದು

ಮೈ ಬಾಗಿಸಿ ನಮಿಸಿರೆ ನಿನ್ನ ಚರಣಾರವಿಂದವೇ ಎನಗೆ  ಗೋಚರಿಸುವುದು|

ನಿನ್ನ ಮಧುರ ಮಾತುಗಳು ವೇದಗಳ ದ್ವನಿಯಂತೆ ಬಲ್ಲವರು ಹೇಳುತಿಹರು

ನೀನಾಡುತ್ತಿದ್ದ ಮಾತುಗಳು ಮಹಾದೇವನ ಅದೇಶವೆಂಬಂತೆ ನಂಬಿಹರು|

ಒಳಗೊಂದು ಹೊರಗೊಂದು ಭಾವವ ನೀ ಸಹಿಸದವನೆಂದು ಬಕುತರು ಅರಿತಿದ್ದರು

ನುಡಿದೆಯಂದರೆ ಅಂತಃಕರಣವ ಮುಟ್ಟಿ ಬದುಕು ಬದಲಾಗುವುದ ಕಂಡರೋ|

ಭವರೋಗ ವೈದ್ಯನು ನೀನಂತೆ ನಿನ್ನ ಕಾಣದೇ ಬದುಕು ಬರಡಾಯಿತು ಎನ್ನದು

ನಿನ್ನ ಚರಿತವ ಕೇಳಿ ಪಾಡಿ ಬದುಕು ಕಟ್ಟಿ ಮುನ್ನೆಡವ ಆಸೆ ನನ್ನದೋ|

ನಿಜ ಬಕುತರ ಸಾಲಿನಲ್ಲಿ ನಾನಿಲ್ಲ ಎನ್ನ ಮನ್ನಿಸಿ ಮುನಿಸು ತೋರದಿರೋ

ಎನ್ನಂತರಂಗದಲಿ ನೆಲೆ ನಿಲ್ಲೋ ಪ್ರಭುವೇ ಸಖರಾಯಪುರದ ಸಂತನೋ|