ಗುರುನಾಥ ಗಾನಾಮೃತ 

ಶಾಂತ ಮೂರುತಿ ತಾ ಕುಳಿತಿಹನು ನೋಡೇ

ರಚನೆ: ಅಂಬಾಸುತ 

ಶಾಂತ ಮೂರುತಿ ತಾ ಕುಳಿತಿಹನು ನೋಡೇ

ಭ್ರಾಂತಿ ಅಳಿಪ ಭಗವಂತನಿವ ನೋಡೇ ||ಪ||

ರವಿತೇಜ ತುಂಬಿದ ಆ ಎರಡೂ ನಯನಾ

ಮಂದಸ್ಮಿತ ಮಧುರಾ ಮೋಹಕಾ ವದನಾ

ಅವನಿರುವ ಸ್ಥಳವೇ ಆನಂದದಾ ಸದನಾ

ನಮ್ಮ ಮೇಲಿರುವುದು ಸದಾ ಆತನಾ ಗಮನಾ ||೧||

ದಟ್ಟಿಯೊಂದನು ಬಿಗಿದಿಟ್ಟೂ ಕಟ್ಟೀ

ಯಜ್ಞೋಪವೀತ ಬಗಲಲಿ ಇರಿಸಿಹಾ ಜಟ್ಟೀ

ಸಂತೈಸುತಿಹನವನು ಭಕ್ತರಾ ಮನವನೇ ಮುಟ್ಟೀ

ನಿಜಭಕ್ತಿ ಎಂಬುದೂ ನಲಿದಿಹುದಿಲ್ಲಿ ಹುಟ್ಟೀ ||೨||

ಪವಾಡ ಪುರುಷನಲ್ಲಾ ನಗನಾಣ್ಯ ಬೇಕಿಲ್ಲಾ

ಇವನ ನಂಬಿದರೆ ಭಯ ಎಂದಿಗೂ ಇಲ್ಲಾ

ಭಕ್ತರಾ ಪಾಲಿಗಿವಾ ರಾಮ ಏಸೂ ಅಲ್ಲಾ

ಭುವಿಗಿಳಿದ ಪರಮಾತ್ಮಾ ಅತಿಷಯೋಕ್ತಿ ಏನಲ್ಲಾ ||೩||

ಸಖರಾಯಪುರದೊಳಗೆ ಈತನಾ ವಾಸಾ

ಆದರೂ ಭಕ್ತ ಹೃನ್ಮಂದಿರದಿ ಇರುವನೀತಾ

ಅಂಬಾಸುತನ ಅನವರತ ಪೋಷಿಪ ಸತ್ಯರೂಪ

ಜಗಕೆಲ್ಲಾ ಬೆಳಕಾಗಿಹಾ ಇವನೇ ನಂದಾದೀಪಾ ||೪||