ಗುರುನಾಥ ಗಾನಾಮೃತ 

ಶುದ್ಧವಿರಲಿ ನಿನ್ನ ಅಂತಃಕರಣ

ರಚನೆ: ಅಂಬಾಸುತ 

ಶುದ್ಧವಿರಲಿ ನಿನ್ನ ಅಂತಃಕರಣ

ಅದುವೇ ನಿನಗಾಭರಣಾ

ತಪ್ಪದೂ ಎಂದಿಗೂ ಮರಣಾ

ಅದಕೆ ಹೆದರೆದೆ ನೀ ಮಾಡು ಗುರುಸ್ಮರಣಾ ||

ಮರೆಯದಿರು ಗುರುವೇ ನಾರಾಯಣಾ

ನಿನ ಮನವಾಗಿರಲಿ ಅವನಾ ತಾಣ

ಅವನಾ ಕರದೊಳಗಿಹುದೂ ನಿನ್ನಾ ಪ್ರಾಣ

ಬಿಡು ಬಿಡು ಸಂಸಾರದ ಪುರಾಣ ||

ಗುರುವಿಂದಲೆ ಜಗದಾ ಕಲ್ಯಾಣ

ಅವನಾ ಪದ ಹಿಡಿದರೇ ನೀನಾಗುವೆ ಜಾಣ

ನಿನ್ನೊಳಗಿರಲೀ ಭಾವ ಅರ್ಪಣ

ಏತಕೆ ಮಾಡುವೆ ಸುಮ್ಮನೆ ವಿಚಾರಣಾ ||

ಗುರುಹರಿ ಗುರುಹರ ಎನ್ನೋಣಾ

ಗುರುವೇ ತಾ ಬ್ರಹ್ಮಾ ನಂಬೋಣಾ

ಅಂಬಾಸುತ ಹಿಡಿ ನೀ ಗುರುಚರಣಾ

ಸದ್ಗುರುವಿನ ಮುಂದೇ ಸರ್ವವೂ ಗೌಣಾ ||