ಗುರುನಾಥ ಗಾನಾಮೃತ 

ನಂಬಿರೆಮ್ಮ ರಾಯರಾ ನಿಜಸೌಖ್ಯದಾಯಕರಾ

ರಚನೆ: ಅಂಬಾಸುತ 

ನಂಬಿರೆಮ್ಮ ರಾಯರಾ ನಿಜಸೌಖ್ಯದಾಯಕರಾ

ಆನಂದ ರೂಪರಾ ಅಗಣಿತಗುಣಮಹಿಮರಾ ||ಪ||

ಸತ್ಯ ಮಿಥ್ಯ ತೋರಿದವರಾ ನ್ಯಾಯ ನೀತಿ ಪೇಳಿದವರಾ

ಧರ್ಮ ಮಾರ್ಗದಲ್ಲೇ ನಡೆಯಬೇಕು ಎಂದು ಸಾರಿದವರಾ ||೧||

ಭಕುತರ ಭಯವೆಲ್ಲ ಕಳೆದು ನಿಜಭಾಗ್ಯವ ನೀಡಿದವರಾ

ಸಾಧನೆಯಾ ಹಾದಿಯಲ್ಲೇ ಸಾಗಿ ಸಾಗಿ ಎಂದವರಾ ||೨||

ಒಳಗಣ್ಣನು ತೆರೆಸುತಲೀ ಮುಕ್ಕಣ್ಣನ ತೋರಿದವರಾ

ಮಹನೀಯರ ಜೀವನವೇ ಪಾಠ ಅರಿಯಿರೆಂದವರಾ ||೩||

ಸಖರಾಯಪುರವಾಸರ ಸುಖ ನೀಡೋ ಮಹನೀಯರಾ

ವೇಂಕಟಾಚಲನೆಂಬೋ ನಾಮ ಧರಿಸಿ ಪೊರೆವವರಾ ||೪||

ಅಂಬಾಸುತನಂತರಂಗದಿ ಸದಾಕಾಲ ನೆಲೆಸಿರುವರ

ಆಗಮನಿಗಮಗಳಿಗೇ ನಿಲುಕದಿಹಾ ಅವಧೂತರಾ ||೫||