ಗುರುನಾಥ ಗಾನಾಮೃತ 

ಸದ್ಗುರುನಾಥಾ ಸದ್ಗುರುನಾಥಾ ಸದ್ಗುರುನಾಥಾ ಎನ್ನಿರೀ

ರಚನೆ: ಅಂಬಾಸುತ 

ಸದ್ಗುರುನಾಥಾ ಸದ್ಗುರುನಾಥಾ ಸದ್ಗುರುನಾಥಾ ಎನ್ನಿರೀ

ಸಂತತ ಅವನಾ ಸ್ಮರಣೆಯಾ ಮಾಡೀ ನಿಜಸೌಖ್ಯವನ್ನೇ ಪಡೆಯಿರೀ ||ಪ||

ಸಲಹುವನವನೂ ಸಕಲವೂ ಅವನೂ ಸಾಧನೆಯೊಳಗೇ ಅಡಗಿಹನೂ

ಬಾಧೆಗಳನೂ ಕಳದೆ ಬಾಳೀನೊಳಗೇ ಬೆಳಕಾಗಿ ತಾ ಬಂದು ನಿಲ್ಲುವನೂ ||೧||

ಬೇಧಾಭಾವವ ತೋರದ ಭಗವಂತನಿವನೂ ಬ್ರಹ್ಮಾನಂದವಾ ನೀಡುವನೂ

ಬೋಧನೆಯಿಂದಲೇ ಧರ್ಮಮಾರ್ಗವ ಹಿಡಿಸಿ ಭಕುತರನೆಲ್ಲರಾ ಸಲಹುವನೂ ||೨||

ಬದುಕೆಂದರೆ ಏನೆಂಬುದ ಕಲಿಸುವವನಿವನೂ ಶಿಷ್ಯರ ಭಾಗ್ಯದ ನಿಧಿ ಇವನೂ

ಲೀಲೆಗಳ ತೋರುತ್ತಾ ಜಗಪಾಲನೆ ಮಾಡಿಹನೂ ಅಜ ಹರಿ ಹರರಾ ರೂಪನೂ ||೩||

ನಿರ್ಮಲ ಮನದೊಳು ವಿರಾಜಿಸಿಹನೂ ನಿಗಮಾಗಮಗಳಿಗೇ ನಿಲುಕಾನೂ

ನಾನೆಂಬುದ ಅಳಿಸೀ ನೀನೆಂಬುದ ಉಳಿಸೀ ಆತ್ಮೋದ್ಧಾರಗೈಯುವನೂ ||೪||

ಸಖರಾಯಪುರವಾಸಾ ಸದ್ಗುರು ಇವನೂ ವೇಂಕಟಾಚಲನೆಂಬ ನಾಮದವನೂ

ಅಂಬಾಸುತನಾ ಅನವರತ ಸಲಹುತಾ  ಆನಂದರೂಪದಿ ತಾನಿಹನೂ ||೫||