ಗುರುನಾಥ ಗಾನಾಮೃತ 

ಒಯ್ಯೋ ಗುರುವೇ ಒಯ್ಯೋ

ರಚನೆ: ಶೈಲಜಾ ಕುಮಾರ್ 

ಒಯ್ಯೋ ಗುರುವೇ ಒಯ್ಯೋ

ಕರೆದೊಯ್ಯೋ ಸದ್ಗುರುವೇ ಕರೆದೊಯ್ಯೊ ।। ಪ ।। 

ಸ್ವಾರ್ಥದ್ವೇಷವಿರದೆಡೆ

ಮಾನಾಪಮಾನವಿರದೆಡೆ

ಸ್ತುತಿನಿಂದನೆಯಿರದೆಡೆ

ಮದಾಹಂಕಾರವಿರೆಡೆ ।। ೧ ।।

ನನ್ನದೆಂಬ ಭ್ರಮೆಯಿರದೆಡೆ

ಮೋಹಬಂಧನವಿಲ್ಲದೆಡೆಗೆ

ಮಾಯಪಾಶವಿಲ್ಲದೆಡೆಗೆ

ದಾಸ್ಯದ ಶೃಂಕಲೆ ಇಲ್ಲದೆಡೆಗೆ ।। ೨ ।।

ಆನಂದವೇ ತುಂಬಿರುವೆಡೆಗೆ

ಸರ್ವಸಮತ್ವದ ಭಾವದೆಡೆಗೆ

ಜ್ಞಾನದ ಅರಿವು ಮೂಡುವೆಡೆಗೆ

ಮುಕ್ತಿಯ ದಾರಿ ತೋರುವೆಡೆಗೆ ।। ೩ ।।

ಆತ್ಮಾನುಸಂಧಾನವಾಗುವೆಡೆ

ನಾನೇ ನೀನೆಂಬ ಅಭೇದತೋರುವೆಡೆಗೆ

ತಾದಾತ್ಮ್ಯ ಭಾವಬರುವೆಡೆಗೆ

ಕರ್ಮಸವೆಯೋ ದಾರಿಯೆಡೆಗೆ ।। ೪ ।।