ಗುರುನಾಥ ಗಾನಾಮೃತ 

ಗುರು ಚರಣ ನೆನೆದು ಪಾರಣೇ ಮಾಡಿರೋ

ರಚನೆ: ಆನಂದರಾಮ್, ಶೃಂಗೇರಿ  

ಗುರು ಚರಣ ನೆನೆದು ಪಾರಣೇ ಮಾಡಿರೋ

ಹೃದಯದಲಿ  ಗುರು ಬಂದು ನೆಲೆಸುವರೋ|

ಪಾಪದ ಹೊರೆ ಹೊತ್ತು ನಿಂತರೂ ಸಲಹುವರು

ಮುಂದಾದರೂ ಮತಿ ಹೊಂದಿ ನಡೆ ಎನ್ನುವರು

ಅನ್ಯರ ಸರಿ ತಪ್ಪು ನೀ ನೋಡದೆ ಬದುಕೆಂದರು

ನಿನ್ನನರಿತು ಸರಿ ದಾರಿಯಲಿ ನಡೆಯಂದರು|

ಮೌನದಲಿ ಮನಸು ಆಲಿಸಿ ಎನ್ನ ನೆನೆ ಎಂದರು

ಬೇಡುತಲೇ ಮನಸು ನನ್ನ ಪಾದಕೆ ಅರ್ಪಿಸೆಂದರು 

ಮನದ ಕಲ್ಮಶವ ಕಳೆದು ಮಡಿ ಮಾಡೆಂದರು

ದುಗುಡ ದುಮ್ಮಾನವ ನಾ ಕಳೆವೆ ಎಂದರು|

ಪೂರ್ವ ಕರ್ಮವ ಕಳೆಯಲು ಎನ್ನ ಬಜಿಸೆಂದರು

ವಿಧಿ ನಾನು ಜಾಗುರೂಕನಾಗಿ  ನಡೆ ಎಂದರು

ಭಯ ಬೇಕು ಮನಸಿಗೆ ಸರಿ ತಪ್ಪ ಅರಿಯಲು

ಕಾಲ ಕಳೆಯದೆ ನನ್ನ ಸೇವಿಸಿ ಬದುಕೆಂದರು|