ಗುರುನಾಥ ಗಾನಾಮೃತ 

ನಿನ್ನ ಭಜಿಸದ ದಿನವಿಲ್ಲ ನಿನ್ನ ನೆನೆಯದ ಕ್ಷಣವಿಲ್ಲ

ರಚನೆ: ಆನಂದರಾಮ್, ಶೃಂಗೇರಿ  

ನಿನ್ನ ಭಜಿಸದ ದಿನವಿಲ್ಲ ನಿನ್ನ ನೆನೆಯದ ಕ್ಷಣವಿಲ್ಲ

ನಿನ್ನ ಒಲುಮೆಯು ಬೇಕೆನಗೆ ಓ ಗುರುನಾಥ|

ಬದುಕು  ಎಂಬ  ಹೋರಾಟದಿ ನೀ ಇಲ್ಲದ ದಿನವಿಲ್ಲ

ಕಲಿತ ಪಾಠದಲಿ ಕಂಡೆ ನಾ ನಿನ್ನ ನಾಮದ ಬಲವೆಲ್ಲ|

ನಾನು ಎಂಬುದ ಮರೆತು ನಿನ್ನ ಮೊರೆ ಹೋದೆನಲ್ಲ

ಎನ್ನ ಭ್ರಮೆ ದೂರ ಮಾಡಿ ದಾರಿ ತೋರುವೆಯಲ್ಲ|

ನಾಟಕದ ಬಕುತಿಯಳು ಮೈ ಮರೆತು ಹೋದನಲ್ಲ

ನಿಜ ಬಕುತರ ಸಂಗದಿ ಬೆರೆತು ನನ್ನ ಮರೆತನಲ್ಲಾ|

ಎಸ್ಟು ಬೇಡಿದರು ಮನಕೆ ನೆಮ್ಮದಯದು ಸಿಗಲಿಲ್ಲ

ಅರಿವನಾಲಯಕೆ ದಾರಿಯದು ಸಿಗಲಿಲ್ಲವಲ್ಲ|

ಬರಿ ಮಾತುಗಳ  ಮಾಲೆಯೊಳು ಬಜಿಸಿದೆನಲ್ಲ

ಆಸೆಗಳ ಹೊರೆ ಹೊತ್ತು ನಿನ್ನ ಬೇಡಿ ಬಂದೆನಲ್ಲ|

ಮೌನದಿ ನಿನ್ನ ನೆನೆಯುತ  ಕಾಲ ಕಳೆಯಲಿಲ್ಲ

ಇನ್ನಾದರೂ ಎನ್ನ ಹರಸಿ ಸರಿ ದಾರಿಯಾಕೆ ತೋರಲಿಲ್ಲ|