ಗುರುನಾಥ ಗಾನಾಮೃತ 

ಹೊಕ್ಕೋ ಗುರುಮನೆಯಾ

ರಚನೆ: ಅಂಬಾಸುತ 

ಹೊಕ್ಕೋ ಗುರುಮನೆಯಾ

ಲೆಕ್ಕವಿಲ್ಲದ ಪುಣ್ಯದಾ ಪಾಲು ನಿನಗಿದೆ ಅಲ್ಲಿ

ದಿಟ್ಟ ಸದ್ಗುರುವರನಾ ಲೀಲಾಕ್ಷೇತ್ರದಲ್ಲಿ ||ಪ||

ಯಾರು ಅಧಿಕರಲ್ಲ ಯಾರು ಅಲ್ಲಿ ತೃಣರಲ್ಲ

ಬೇಧಭಾವವಿರದ ನಿಜ ಭಕ್ತಿಭಾವದ ಅರಮನೆಯದು ||೧||

ಯಾರು ಕುಳಿತವರಿಲ್ಲ ಅಲ್ಲಿ ಯಾರು ದಣಿದವರಿಲ್ಲ

ಸಮರ್ಪಣಾ ಭಾವದಲ್ಲಿ ಸೇವೆ ಸಲ್ಲಿಸುತಿಹರಲ್ಲಿ ||೨||

ಗುರುವಿನದೆ ದರ್ಬಾರು ಇನ್ಯಾರದಿಲ್ಲ ಕಾರುಬಾರು

ಸತ್ಯ ಶೋಧನೆ ಸತ್ಯ ಚಿಂತನೆ ಸದ್ವಿಚಾರವ ಸಾರು ಸಾರು ||೩||

ಆತ್ಮಕೂ ದೇಹಕೂ ಭೂರಿ ಭೋಜನ ಅಲ್ಲುಂಟೂ

ಮರೆಯದಿರು ಗುರುಶಿಷ್ಯನ ನಂಟು ಸಾವಿರ ಜನುಮದಾ ಗಂಟು ||೪||

ಸ್ವರ್ಗಕೆ ಸುಮಾರ್ಗವಿದುವೆ ಸದ್ಗುರುವಿನಾ ನಿವಾಸ

ಸಾರಲಾರೆ ಸಾರಲಾರೆ ಸದ್ಗುರುವಿನ ಸದ್ವಿಲಾಸ ||೫||

ಸಖರಾಯಪುರಾಧೀಶನ ಸಾಮೀಪ್ಯವಿಹುದಿಲ್ಲೇ

ಅಂಬಾಸುತನ ಸತ್ಪದಕೇ ಮೂಲವಿದುವೇ ||೬||