ಗುರುನಾಥ ಗಾನಾಮೃತ 

ಗುರುವೇ ಸೋತು ಹೋದೆನು ನಿನ್ನ ಬೇಡಿ ಬಂದೆನು

ರಚನೆ: ಆನಂದರಾಮ್, ಶೃಂಗೇರಿ  

ಗುರುವೇ ಸೋತು ಹೋದೆನು ನಿನ್ನ ಬೇಡಿ ಬಂದೆನು

ಪಾದಕೆ ಎನ್ನ ಶಿರವಿತ್ತು ಬೇಡಿ ಕೊಂಬೆನು ಗುರುವೇ|

ನಿನ್ನ ಧ್ಯಾನದಲಿ ಮೈ ಮರೆತು ನಾ ಬೇಡಿ ಕೊಂಬೆನು

ಎನ್ನ ಸ್ವಾರ್ಥ ಮನಕೆ ಮತಿ ನೀಡಿ ಹರಸು ಎನ್ನನು|

ಬೇಕು ಬೇಡಗಳೇ ಬದುಕೇ ಗುರುವೇ ಅರಿಯಲಾರೆ

ಇನ್ನು ಸಾಕು ಬರೀ ಭ್ರಮೆಯ ಅರಸಿ ನಾ ಓಡಲಾರೆ|

ಮುಸುಕು ಧರಿಸಿ ನಡೆವ  ಬದುಕು ಬೇಡ ಗುರುವೇ

ನಿಜ ಬಾವದಿ ಬದುಕು ಕಲಿಸಿ ಎನ್ನ ಹರಸು ಗುರುವೇ|

ಹೇಳುವ ನುಡಿಯೇ ಬೇರೆ ಮಾಡುವ ಕರ್ಮ ಬೇರೆ

ಇದನರಿವ ಮಹಾ ಮಹಿಮ ಗುರು ಎನ್ನ ಮನ್ನಿಪನೇ|

ಏನಗಾವ ಭಯವಿಲ್ಲ ನಿನ್ನ ನಂಬಿಹೆನು ಗುರುವೇ

ಸದಾ ನಿನ್ನ  ಧ್ಯಾನದಿ ಮನ ಇರಿಸಿ ಕಾಯೋ ಗುರುವೇ|