ಗುರುನಾಥ ಗಾನಾಮೃತ 

ಗುರುವಿನ ನುಡಿಗಳ ಕೇಳುವ ಬಾರೇ ಸಖಿ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಗುರುವಿನ ನುಡಿಗಳ ಕೇಳುವ ಬಾರೇ ಸಖಿ

ಅವನ ವಚನಾಮೃತವ ಕೇಳೋಣ ಬಾರೇ ಸಖಿ ||

ದುರ್ಗುಣಗಳ  ಓಡಿಸುವ ನುಡಿ

ದುರ್ಮನಗಳ ಬಿಡಿಸುವ ನುಡಿ |

ದುಷ್ಟತನವ ದೂರಿಡುವ  ನುಡಿ

ದುಶ್ಚಿಂತೆಯ ‌ಕರಗಿಸೋ ನುಡಿ || ೧ ||

ಸಕಲವೇದಗಳಸಾರವಿವನ ನುಡಿ

ಸಾಧುಸಂಗವ ಮಾಡಿಸುವ ನುಡಿ |

ಪದಸೇವೆಯಲಿ ನಾನಿಹೆಯೆನುವ ನುಡಿ 

ನಮ್ಮೊಳಗಿನ ಗುರುವನು ತೋರುವ ನುಡಿ  || ೨ ||

ಸುಲಭಕೆ ಅರ್ಥವಾಗದಿವನ ನುಡಿ‌

ತಿಳಿದರೆ ಬದಲಾಗುವುದವನ  ನೆಡೆನುಡಿ |

ಅದರಂತೆ ನೆಡೆದರೆ ನಾವು  ಜೀವನವಿಡಿ

ಸಿಗುವುದು ಸಾಯುಜ್ಯ ಅವನ ಪಾದದಡಿ || ೩ ||