ಗುರುನಾಥ ಗಾನಾಮೃತ 

ನಗುತಲಿ ಕುಳಿತಿಹರು ಗುರುನಾಥ ಮರದ ನೆರಳಲ್ಲಿ

ರಚನೆ: ಆನಂದರಾಮ್, ಶೃಂಗೇರಿ  

ನಗುತಲಿ ಕುಳಿತಿಹರು ಗುರುನಾಥ ಮರದ ನೆರಳಲ್ಲಿ

ಬರುವ ಭಾವುಕ ಭಕುತರ ಬವಣೆ ತೀರಿಸುತಲಿ|

ಆ ನಗೆಯ ಹಿಂದಿದೆ ನಾ ಅರಿಯದ ಏನೋ ಮರ್ಮ

ಎನಗೆ ತಿಳಿದಿದೆ  ಅನ್ನುತ  ನಾ ಮಾಡಿದ ಆ ಕರ್ಮ|

ದೂರ ನೋಡುತ ಎಲ್ಲರ ಅರಿವಿನೊಳು ಇರುವಾತ

ಸುಮ್ಮನೆ ತಿಳಿಯದವನಂತೆ ಮೌನದಿ ಕುಳಿತನೀತ|

ಮೂಕ ಪ್ರಾಣಿಯ ಸನಿಹ ಬಯಸುವ ಗುರುನಾಥ

ಶುದ್ದ ಮನದ ಬಕುತಿಯ ತೋರೆಂದರು ಅವಧೂತ|

ಅವರ ಅಣತಿ ಇಲ್ಲದೆ  ಯಾರೂ ಇಲ್ಲಿ ಸಲ್ಲುವರಿಲ್ಲ

ನಿನ್ನ ಅರಿವಿಲ್ಲದೆ  ಮುಗುದ ಭಕುತಿಗೆ ಒಲಿವನೀತ|

ನಂಬಿ ನಡೆದರೆ  ಗುರುವ ಬಯವಿಲ್ಲಾ ಎಂದನೀತ

ನಂಬದಲೇ ಭ್ರಮೆಯಲಿ ಬದುಕದಿರು ಎಂದನೀತ|

ಹಂಗಿನ ಬಕುತಿ ತೋರಿಕೆಯ ಭಕುತಿ ಬೇಡ ಎಂದರು

ನಿನ್ನ  ಅರಿವಿನಾಲಯಕೆ ದಾರಿ ತೋರುವೆ ಎಂದರು|