ಗುರುನಾಥ ಗಾನಾಮೃತ 

ಬಂದಾ ನೋಡೇ ಸದ್ಗುರು

ರಚನೆ: ಅಂಬಾಸುತ 

ಬಂದಾ ನೋಡೇ ಸದ್ಗುರು

ಭಕ್ತೋದ್ಧಾರಕೆ ಬಂದ ನೋಡೇ ಸದ್ಗುರು ||ಪ||

ತತ್ವಪೂರ್ಣನಾಗಿ ಬೋಧರೂಪನಾಗಿ

ಭವದಾ ಬಾಧೆಯ ಹರಿಸಿ ನಿಜಭಾಗ್ಯ ನೀಡಲು ||ಅ.ಪ||

ಕರುಣಿಸುತಾ ಜ್ಞಾನವ ಬಿಡಿಸಿ ಮಾನಾಪಮಾನವ

ಸೋಹಂ ಭಾವವ ತುಂಬಿ ಅಹಂಭಾವವ ಅಳಿಸಲೂ ||೧||

ಕಾಮಾದಿಗಳ ಜೈಸಲು ಧರ್ಮ ಮಾರ್ಗವ ತೋರಿಸಿ

ದಾನಾದಿ ಕರ್ಮಗಳ ನಿರುತವೂ ಮಾಡಿರೆನಲೂ ||೨||

ನಿಜ ಪರಮಹಂಸಾಶ್ರಮಿಯೇ ಪರಮೇಶ್ವರ ಎನುತಾ

ಪಾದಸೇವೆಯ ಮಾಡಿ ಪರಮಪದ ಪಡೆಯಿರೆನಲೂ ||೩||

ದಟ್ಟಿಯೊಂದನು ಸುತ್ತಿಕೊಂಡು ತಾ ದಿಟ್ಟನಾಗಿ

ನಾರಸಿಂಹ ತಾನೇ ನರವೇಷ ಧರಿಸಿದಂತೇ ||೪||

ಅಂಬಾಸುತನಾ ಅಂತರಂಗದ ಅನವರತಾ

ನಲಿಯುತಲಿಹ ನಮ್ಮ ಸಖರಾಯಪುರಾಧೀಶ ||೫||