ಗುರುನಾಥ ಗಾನಾಮೃತ 

ನೀನಲ್ಲದೆ ಮತ್ತಾರು ಗುರು ಇಹರೋ 

ಸದ್ಗುರುನಾಥ 

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ನೀನಲ್ಲದೆ ಮತ್ತಾರು ಗುರು ಇಹರೋ  ಸದ್ಗುರುನಾಥ 

ನಿನ್ನನಲ್ಲದೆ ಮತ್ತಾವ ದೈವ ಕಾಣೆನೋ ||

ನಿನ್ನ ಮಮತೆಯ ಮಡಿಲೇ

 ನನಗೆ ಪ್ರೇಮದ ಕಡಲು |

ನಿನ್ನ ಪ್ರೀತಿಯ ನಗುವೇ 

ನನಗೆ ಹರ್ಷದ ಹೊನಲು 

ನನ್ನ ಹೃದಯದಿ ನೀನೇ ತುಂಬಿದಿಯಯ್ಯಾ

ಕರುಣಾಳು ನನ್ನ ನೀ ಸಲಹಯ್ಯಾ || ೧ ||

ನಿನ್ನ ವಾತ್ಸಲ್ಯದ ಕೈತುತ್ತೇ 

ಕಳೆವುದೆಲ್ಲಾ ಆಪತ್ತು |

ನಿನ್ನ ನೆನೆವ ಹೊತ್ತೇ 

ನನಗೆ ಪರಮ  ಸಂಪತ್ತು 

ನಿನ್ನ ನಾಮದಿ ನನ್ನ ಜೀವವಿದಯ್ಯಾ ಗುರುವೇ 

ಭವದಿ ನೊಂದ ನನ್ನ 

 ನೀ ಉದ್ಧರಿಸಯ್ಯಾ || ೨ ||

ನಿನ್ನ ಮಧುರ ನುಡಿಯು 

ಅಮೃತದ ಸುಧೆಯು |

ನಿನ್ನ ಸೇರುವ ದಾರಿ ಸರಳ

ಆ ದಾರಿಲಿ ಸಾಗುವರು ವಿರಳ || ೩ ||

ಕೈಯ ಹಿಡಿದು ನೆಡೆಸಯ್ಯಾ ಗುರುವೇ 

ಅರಿವಿನ ಮನೆಯ ತೋರಿಸಯ್ಯಾ ||