ಗುರುನಾಥ ಗಾನಾಮೃತ 

ಗುರುನಾಥ ಗುರುನಾಥ ಗುರುನಾಥ

ರಚನೆ: ಅಂಬಾಸುತ 

ಗುರುನಾಥ ಗುರುನಾಥ ಗುರುನಾಥ

ಅವಧೂತ ಸದ್ಗುರುನಾಥ ಗುರುನಾಥ ||ಪ||

ಗುಣಪೂರ್ಣ ಮಹಿಮನೊ ಗುರುನಾಥ

ಗೌಪ್ಯತೆಯ ಸಾಧನೆಯೊಳಗೆ ಗುರುನಾಥ

ಅಗಣಿತ ಲೀಲಾವಿನೋದಿ ಗುರುನಾಥ

ಅಪ್ರಮೇಯ ಅನಂತ ಗುರುನಾಥ ||೧||

ಅಲ್ಪತೆಯ ಅಳಿಸುವಾ ಗುರುನಾಥ

ಅತಿ ಬೃಹತ್ ಎನಿಸಿಹಾ ಗುರುನಾಥ

ಅರಿತವನ ಅರಿವಾಗಿ ಇಹನು ಗುರುನಾಥ

ಮರೆತವನ ಮರೆವೂ ಅವನೇ ಗುರುನಾಥ ||೨||

ಅಳು ನಗುವಿನೊಳಗು ಅವಿತವನು ಗುರುನಾಥ

ಆನಂದ ಮೂರುತಿ ಅನವರತ ಗುರುನಾಥ

ಮೌನದೊಳು ಮಾತಿನೊಳು ಗುರುನಾಥ

ಮುತ್ತಂತೆ ಮೆರೆದಿಹಾ ನಮ್ಮ ಗುರುನಾಥ ||೩||