ಗುರುನಾಥ ಗಾನಾಮೃತ 

ಗುರುವೆಂದು ಒಮ್ಮೆ  ಸ್ಮರಿಸಬಾರದೇ 

ಹೇ ಮನುಜ 

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಗುರುವೆಂದು ಒಮ್ಮೆ  ಸ್ಮರಿಸಬಾರದೇ ಹೇ ಮನುಜ 

ನೀನೇ ಗತಿಯೆಂದು ಗುರುವ ನಮಿಸಬಾರದೇ  |

ಮಡದಿಮಕ್ಕಳ ಸುಖದಿ ಮುಳುಗಿ

ಧನಕನಕಗಳ ಗಳಿಕೆಯಲಿ ತೊಡಗಿ |

ಭೋಗಭಾಗ್ಯಗಳ ಸಿರಿಯಲಿ ಮೆರೆಯುತ

ಮಾನಸಮ್ಮಾನಗಳಲಿ ಸಾರ್ಥಕತೆಯನು ಕಾಣುತಾ || ೧ ||

ಕರ್ಮದ ಬಲೆಯಲಿ ನೊಂದು 

 ಕಷ್ಟಕಾರ್ಪಣ್ಯಗಳಲಿ ಬೆಂದು  |

 ಶಾಶ್ವತಮನೆಯನು ಅರಸುತಾ

ಭವದಿ ಎಲ್ಲೆಡೆ ಅಲೆಯುತಾ || ೨ ||

ಮೋಹಪಾಶದಿ ಸಿಲುಕಿರುವಾಗ

ಅಹಂಕಾರದಿ ಮೆರೆಯುವಾಗ |

ನಾಮಸ್ಮರಣೆಯ ಮರೆತಿರುವಾಗ

ವ್ಯರ್ಥದಿ ಆಯುಷ್ಯವ ಕಳೆಯುವಾಗ || ೩ ||