ಗುರುನಾಥ ಗಾನಾಮೃತ 

ಬಾರೋ ಗುರುರಾಯ ಕರುಣದಿ ಕಾಯೋ ಮಹನೀಯಾ

ರಚನೆ: ಅಂಬಾಸುತ 

ಬಾರೋ ಗುರುರಾಯ ಕರುಣದಿ ಕಾಯೋ ಮಹನೀಯಾ||ಪ||

ಮರೆವಿಗೆ ಮರೆವು ಕೊಟ್ಟು ಅರಿವಿನೊಳೆನ್ನನಿಟ್ಟು

ಆರನ್ನು ಬಿಡುವಂತೆ ನೀ ಹರಸೇ||೧||

ಬೇಧಕ್ಕೇ ಬಾಧೆಯಾಗಿ ಬೋಧರೂಪನಾಗಿ

ಬಾರಿ ಬಾರಿಗು ಎನ್ನ ಎಚ್ಚರಿಸೇ ||೨||

ಸಂಶಯವನ್ನಳಿಸೊ ಸ್ಥಿರತೆಯ ಉಳಿಸೊ

ಸರ್ವರೊಳು ನೀನಿಹೆ ಎಂಬುದ ತಿಳಿಸೇ ||೩||

ನಿಜಮೌನ ಮೆರೆದಾಡಲಿ ಮಾತು ಮರೆಯಾಗಲಿ

ಅನುಭವದಿಂದಲೇ ಸರ್ವವು ವೇದ್ಯವಾಗಿಸೆ ||೪||

ಆಕಾರವೊ ನಿರಾಕಾರವೊ ಆನಂದವ ತರಲಿ

ಅಜ್ಞಾನದಾ ಅರಿಯ ಎಂದೂ ಸೋಲಿಸಲು ||೫||

ಸಖರಾಯಪುರವಾದಿ ಸದ್ಗುರುನಾಥ

ಅಂಬಾಸುತ ನಿನ್ನ ದಾಸಾನುದಾಸಾ ||೬|