ಗುರುನಾಥ ಗಾನಾಮೃತ 

ಕೈ ಬಿಡಬೇಡವೋ ಗುರುವೇ ಎನ್ನ ಪೊರೆಯೋ

ರಚನೆ: ಆನಂದರಾಮ್, ಶೃಂಗೇರಿ  

ಕೈ ಬಿಡಬೇಡವೋ ಗುರುವೇ ಎನ್ನ ಪೊರೆಯೋ

ಬಿಡದೇ ಬೇಡಲು ಬಂದು ಕಾಯೋ ನನ್ನ ಗುರುವೇ|

ಮನದ ಶಂಕೆಯ ಪರಿಹರಿಸಿ ಎನ್ನ ಉದ್ದರಿಸೊ

ಸರಿ ತಪ್ಪ ತಿಳಿಸಿ ಈ ಮೂರ್ಖ ನಾ  ಕ್ಷಮಿಸೋ|

ಅರಿವಿದ್ದು ಮಾಡಿಧಾ ಪಾಪಕೆ ಕ್ಷಮೆ ಇರಲಿ ಗುರುವೇ

ನಿನ್ನ ಭಯದಲ್ಲೇ ಬದುಕು ನಡೆಸಲು ಮತಿ ನೀಡು ಗುರುವೇ|

ನಿನ್ನ ಅರಿವು  ಎನಗಾಗಲು ಇನ್ನು ಎಷ್ಟು ಜನುಮ ಬೇಕೋ

ಯಾವ ಪರಿಯ ಕರಮವೊ ಎನದು ಪರಿಹರಿಸಲು|

ಮನಸು ಮರ್ಕಟವು  ಬಯಸುವುದು ಭ್ರಮೆಯಲಿ

ಅಹಂ ಅಳಿಯದೆ ಅವನ ಅರಿವಾಗುವುದು ನನಗೆಲ್ಲೀ|

ನಾನು ಯಾರೆಂದು ಅರಿಯಲು ನಿನ್ನ ಕೃಪೆ ಬೇಕು

ಎನ್ನ ಹೃದಯದಲಿ ನಿಜ ಬಕುತಿಯ ಸೆಲೆಇರಬೇಕು|

ಇದು ಮುಗಿಯದ ಪಯಣವು ನಿನ್ನ ಸೇರಲು ಗುರುವೇ

ಎನ್ನ ಕೈ ಬಿಡದೇ ಅಡಿಗಡಿಗೂ ಸಲಹೆನ್ನ ಗುರುವೇ|