ಗುರುನಾಥ ಗಾನಾಮೃತ 

ಕರೆದರೆ ಬಾರದಿರೆಯಾ ಗುರುರಾಯ

ರಚನೆ: ಅಂಬಾಸುತ 

ಕರೆದರೆ ಬಾರದಿರೆಯಾ ಗುರುರಾಯ

ಕರುಣಾಸಾಗರನೆಂಬಾ ಬಿರುದು ಪೊತ್ತವನೇ ||ಪ||

ಮತಿ ನೀಡೆಂದು ಬೇಡಲು ಕರೆಯುತಿಹೆನಯ್ಯ

ಗತಿ ನೀನೇ ಎಂದು ಪೇಳಲು ಕರೆಯುತಿಹೆನಯ್ಯ

ಸ್ಥಿತಿಯು ನಿನ್ನಿಂದಲೆ ಎನಲು ಕರೆಯುತಿಹೆನಯ್ಯ

ಈ ಕರೆಯು ಕೇಳದೇ ಎನ್ನ ಗುರುರಾಯಾ ||೧||

ಅನರ್ಥಕಾರಿ ಅರ್ಥವ ಬೇಡಲು ಕರೆಯೆನಯ್ಯ

ಆಯುಷ್ಯ ಆರೋಗ್ಯಕ್ಕಾಗಿ ನಿನ್ನ ಕರೆಯೆನಯ್ಯ

ಸತಿ ಸುತರ ಬೇಡಲು ನಿನ್ನ ಕರೆಯೆನಯ್ಯ

ಸುಮತಿಯ ನೀಡು ಬಾರೊ ಎನ್ನ ಸದ್ಗುರುರಾಯಾ ||೨||

ಕ್ಷಿತಿಯೊಳಗುತ್ತಮ ನೀನೆಂದು ನಂಬಿದೆ ನಾ

ಅತೀ ದೀನನಾಗಿ ನಿನ್ನ ನಂಬಿದೆ ನಾ

ನಾನತ್ವ ಕಳೆಯುವವ ನೀನಯ್ಯ ಗುರುರಾಯ

ಅಂಬಾಸುತನಾ ಸದ್ಗುರು ಸಖರಾಯಪುರಾಧೀಶಾ||೩||