ಗುರುನಾಥ ಗಾನಾಮೃತ 

ಗುರುನಾಥ ನೀನಾದೆ ನಮ್ಮ ಬಾಳಿಗೆ ಆಧಾರ 

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಗುರುನಾಥ ನೀನಾದೆ ನಮ್ಮ ಬಾಳಿಗೆ ಆಧಾರ 

ಎಂದೂ ಬಾಡದ ನಗುಮೊಗದ ಮಂದಾರ |

ಭವದಿ ನೀನಿತ್ತ ಬದುಕಿನಲಿ

ನಶ್ವರದಾ ಈ ಕಾಯದಲಿ |

ಕೈ ಬಿಡದೆ ನೀನೆಮ್ಮ ಕಾಪಾಡಿದೆ

ಗುರುನಾಥ ನೀನೆಮಗೆ ಬಂಧುವಾದೆ || ೧ ||

ಕಷ್ಟಗಳ ಮಳೆ ಸುರಿಯಲೀ 

ನೋವಿನ ಗುಡುಗು ಶಬ್ದಗೈಯಲಿ |

ಬೆಳಕಿನ ದಾರಿಯಾ ನೀ  ತೋರಿಸಿದೆ  

ಗುರುನಾಥ ನಮ್ಮನ್ನು ನೀನುಳಿಸಿದೆ || ೨ ||

ಜೀವನದಿ ಏನಾದರೂ ಬರಲಿ 

ಎಂತಾದರೂ ಕಳೆದು  ಹೋಗಲೀ |

ಬೊಗಸೆಯೊಡ್ಡಿ ಬೇಡುವೆನೊಂದು ಭಿಕ್ಷೆ

‌ಗುರುನಾಥ ನಮಗಿರಲೆಂದಿಗೂ ನಿನ್ನ ಕೃಪಾರಕ್ಷೆ || ೩ ||