ಗುರುನಾಥ ಗಾನಾಮೃತ 

ಭಿಕ್ಷಾಕೆ ಬಂದಿಹನು ಗುರುವು

ರಚನೆ: ಅಂಬಾಸುತ 

ಭಿಕ್ಷಾಕೆ ಬಂದಿಹನು ಗುರುವು

ಬೇರೆ ನೆಪವಾ ಬಿಟ್ಟು ಬಂದು ಭಿಕ್ಷಾವ ಹಾಕಿರಮ್ಮ ||ಪ||

ಸಾಕ್ಷಾತ್ ಶಂಕರನು ಗುರುವೂ

ಸೋಗಿಲ್ಲದ ಮನದಿಂದ ಭಿಕ್ಷಾವ ಹಾಕಿರಮ್ಮ 

ಸಾಗುವುದು ನಿಮ್ಮ ದುರಿತವು

ಸಮರ್ಪಣೆಯ ಭಾವದಲಿ ಭಿಕ್ಷಾವ ಹಾಕಿದೆಡೆ ||೧||

ನಗನಾಣ್ಯದ ರಾಶಿಯ ಕೇಳನು

ನಗುಮೊಗದಿಂದಲಿ ಬೇಗ ಭಿಕ್ಷಾವ ಹಾಕಿರಮ್ಮ

ಶುದ್ಧಭಾವದ ಮನವಾ ಬೇಡಿಹನು

ಬದ್ದನಾಗುತ ನಿಮ್ಮನು ಕಾಯ್ವ ಭಿಕ್ಷೆಯ ಕೊಂಡು ||೨||

ಸಖರಾಯಪುರದಿಂದ ಗುರುವು

ಬಂದಿಹನು ನಿಮಗಾಗಿಯೇ ಭಿಕ್ಷಾವ ಹಾಕಿರಮ್ಮ

ಅಂಬಾಸುತನಾ ಮೊರೆ ಇದು ಕೇಳಿರಮ್ಮಾ

ಗುರುಭಿಕ್ಷಾವ ನೀಡಿ ಧನ್ಯರಾಗಿರಮ್ಮಾ ||೩||