ಗುರುನಾಥ ಗಾನಾಮೃತ 

ಬರಿದಾದ ಮನದಲಿ ನಿನ್ನ ನಾಮ ಮೂಡಿ ಬರಲು

ರಚನೆ: ಆನಂದರಾಮ್, ಶೃಂಗೇರಿ  

ಬರಿದಾದ ಮನದಲಿ ನಿನ್ನ ನಾಮ ಮೂಡಿ ಬರಲು

ತಡ ಮಾಡದೆ ಮೈ ಮರೆತು ನಿನ್ನ ಜಪಿಸುವೆ ಗುರುವೇ|

ಇದು ಎನ್ನ ಸುಕೃತವೋ ಕಾಯಕವೋ ಅರಿವಿಲ್ಲಾ

ನಿರಂತರ ನಿನ್ನ ಬಜಿಸುವ ಬಾವ ನೀಡೋ ಗುರುವೇ|

ಅರಿವಿರದೇ ನಾ ಮಾಡಿದ ಕರ್ಮಗಳು ನೂರಾರು

ಪರಿಹರಿಸಿ ಉದ್ಡರಿಸು ಬೇಡಲು ಎನ್ನ ಗುರುವೇ  |

ಹರಿ ಹರರೂ ಬೇಡಿದರು ಕೊಡಲೊಲ್ಲರು ಎಲ್ಲಾ

ನೀ ನೀಡಿದರು ಈ ಪಾಮರಗೆ ಅರಿವಾಗಲೇ ಇಲ್ಲಾ|

ನಾನು ನಾನೆಂಬ ಅಹಂ ದೇಹದಲಿ ತುಂಬಿದೆಯಲ್ಲಾ

ಎಲ್ಲಾ ನೀನೆಂಬುದು ಅರಿವಾಗಾದೆ ಹೋಯಿತಲ್ಲಾ"|

ಕಪಟ ಮನಕೆ ಕುಹುಕ ನುಡಿಗೆ ಮನ್ನಣೆಯೇ ಇಲ್ಲಾ

ಶುದ್ದ ಬಾವಕೆ ಬೇಡದೆಯು ನೀ ಹರಸುವೆಯಲ್ಲ|

ನಿನ್ನ ಕಾಯಕ ನೀ ಮಾಡು ದುರಾಸೆ ಬೇಡವೆಂದಿರಲ್ಲಾ

ನಿಮ್ಮೊಳಗಿನ ಆನಂದ ಎಲ್ಲೆಲ್ಲೊ ಹುಡುಕದಿರಿ ಎಂದ|