ಗುರುನಾಥ ಗಾನಾಮೃತ 

ಇಂಥಾ ಗುರುವ ಕಂಡಿರಾ ಜಗದಲ್ಲಿ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಇಂಥಾ ಗುರುವ ಕಂಡಿರಾ ಜಗದಲ್ಲಿ

ಇಂಥಾ ಗುರುವ ಕಂಡಿರಾ !

ಭಕ್ತರ ಭಾವ ಹೆಚ್ಚಿಸುವ ಅಜನಿವನು

ಆರ್ತರನು ಪಾಲಿಸೋ ಹರಿಯಿವನು |

ದುರಿತವ ದೂರಿಡುವ ಹರನಿವನು

ಸಕಲರನೂ ಪೊರೆಯೋ ಭಗವಂತನಿವನು || ೧ ||

ಜೀವಿಗಳ ಬೆಳಗುವ ಜೀವೇಶ್ವರನು

ಅರಿವನು ತೋರಿಸೋ ಭಾಸ್ಕರನು |

ಮನದಲಿ ಸದಾ ಭಜಿಸುವ ಗೌರೀಶ್ವರನು

ಬಂಧನವ ಕಳೆಯುವ ಮಹೇಶ್ವರನು   || ೨ ||

ಜ್ಞಾನವ ನೀಡುವ ಬ್ರಹ್ಮನಿವನು 

ಪ್ರಣವದ  ಪ್ರಮತಿಯ ಚತುರ್ಮುಖನು |

ಆತ್ಮ ಸಾಕ್ಷಾತ್ಕರಿಸುವ ಸೃಷ್ಟಿಕರ್ತನು

ಎಲ್ಲರಲೂ ನೆಲೆಸಿಹ ಸನಾತನನು || ೩ ||

ಶುಭಯೋಗ ತರುವ ಯೋಗೀಂದ್ರನು

ಚಿತ್ಸುಖ ಕೊಡುವ ಚಿನ್ಮಯನು |

ಭಕ್ತಭಾವಗಮ್ಯನಾದ ಸುರೇಶನು 

ಭಕ್ತರ ಪಾಲಿಸುವ ಭುಜಗಶಯನನು || ೪ ||