ಗುರುನಾಥ ಗಾನಾಮೃತ 

ಬಾಗಿಲೊಳು ಬಿದ್ದಿಹಾ ಯಾಚಕನು ನಾನು

ರಚನೆ: ಅಂಬಾಸುತ 

ಬಾಗಿಲೊಳು ಬಿದ್ದಿಹಾ ಯಾಚಕನು ನಾನು

ಅವಧೂತ ಗುರುನಾಥ ಪೊರೆಯಯ್ಯ ನೀನು ||ಪ||

ಬೇಡಲು ತಿಳಿಯೋಲ್ಲ ಅತಿಮೂಢ ನಾನು

ಹಿತವನ್ನೇ ನೀಡಿ ಹರಸುವವ ನೀನು ||೧||

ಹಸಿವಿಲ್ಲದೆ ಹುಸಿಯಿಲ್ಲದೆ ಬಂದಿಹೆನೊ ನಾನು

ಭಕ್ತಿರಸವನ್ನಿತ್ತು ದರುಶನ ನೀಡೋ ನೀನು ||೨||

ಧನ ಕನಕ ದೊರೆತನವ ಬೇಡೋಲ್ಲ ನಾನು

ದೀನರಕ್ಷಕ ಆಶ್ರಯ ನೀಡೋ ನೀಡೋ ನೀನು ||೩||

ಸಖರಾಯಪುರವಾಸೀ ಸದ್ಗುರುನಾಥ ನೀನು

ವಾಣೀಪ್ರಿಯ ದಾಸಿ ನಿನ್ನ ಚರಣದೊಳಿಹೆ ನಾನು ||೪||