ಗುರುನಾಥ ಗಾನಾಮೃತ 

ನಿನ್ನ ಚರಣಸೇವೆಯಿಂದೆಂದಿಗೂ  ದೂರಮಾಡದಿರಯ್ಯಾ ಗುರುವೇ 

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ನಿನ್ನ ಚರಣಸೇವೆಯಿಂದೆಂದಿಗೂ  ದೂರಮಾಡದಿರಯ್ಯಾ ಗುರುವೇ 

ನಿನ್ನ ದಯಾಭಿಕ್ಷೆಯಿಂದಾ ಎಂದಿಗೂ ದೂರ‌ಮಾಡಬೇಡಯ್ಯಾ ನನ್ನ ದೊರೆಯೇ ||

ನಿನ್ನ ಪದಪೂಜೆಯೆನಗೆ ಸದಾ ದೊರಕಲಿ ಪ್ರಭುವೇ

ನಿನ್ನ ವಚನಾಮೃತಪಾನವು  ಸದಾ ಕೇಳಲಿ‌ ನನಗೆ |

ನಿನ್ನ ಚರಣಸ್ಪರ್ಶದ ಧೂಳಿರಲಿ ಸದಾ ಮನೆಗೆ 

ನಿನ್ನ ಅನವರತ ಸ್ತುತಿಯು ಚೈತನ್ಯನೀಡಲಿ ಮನಕೆ || ೧ ||

ಭವದ ಬವಣೆಯು ಬಾಧಿಸದಿರಲಿ ನಮಗೆ

ನೀನೇ ಬೇಕೆಂಬ  ಭಾವ ಸ್ಥಿರವಾಗಿರಲೆಮಗೆ |

ನಿನ್ನ ನಾಮವೇ ನೀರು ಅಶನವಾಗಲೀ ಎಮಗೆ 

ನಿನ್ನ ಕಾರುಣ್ಯಮೂರ್ತಿಯು ಹೃದಯದಿ ಸದಾ ತುಂಬಿರಲೆನಗೆ || ೨ ||