ಗುರುನಾಥ ಗಾನಾಮೃತ 

ಬೇಗನೇ ಬಾರೋ ಗುರುದೇವಾ

ರಚನೆ: ಅಂಬಾಸುತ 

ಬೇಗನೇ ಬಾರೋ ಗುರುದೇವಾ

ತಡವೇತಕಿನ್ನೂ ತರಳನ ಮೊರೆ ಕೇಳಿಯೂ ||ಪ||

ಧರಣಿಯೊಳಗೆ ಬಂದು ದುಖದ ಕಹಿಯುಂಡೂ

ಬಳಲಿಹೆನೋ ನಾನೂ ಅತೀ ಹೀನ ಮಾನವಾ

ಪಾರುಗಾಣಿಸುವರಾ ಕಾಣೆನಯ್ಯಾ ಇನ್ನೂ

ನಿನ್ನಾ ಬಿಟ್ಟೂ ಈ ಜಗದೊಳಗೇ ||೧||

ಮಾತಾಪಿತರು ಸತಿ ಸುತ ಬಾಂಧವರೂ

ಸುತ್ತಿಹರು ಸಂಕೋಲೆ ಬಿಡಿಸಲಾಗದಂತೇ

ಬಿಡುಗಡೆಯಾ ಬೇಡಿಹೆನೋ ನಿನ್ನಾ ಕಾಣಲೆಂದೇ

ದಾಸತ್ವವಾದರೂ ಸರಿ ನಿನ್ನಡಿಯೊಳಿರಿಸಲೂ ||೨||

ಸಖರಾಯಪುರವಾಸ ಸದ್ಗುರುನಾಥಾ

ಶ್ರೀ ವೇಂಕಟಾಚಲನೆಂಬೋ ಪರಮಾತ್ಮಾ

ಅಂಬಾಸುತನಾ ಅನವರತ ಪೋಷಿಸಲೂ

ತಡಮಾಡದೇ ಇನ್ನೂ ಧಡಧಡನೇ ಇಳಿದೂ ||೩||